ଜୟପୁର: ରାଜସ୍ଥାନରେ ଜଣେ ପୋଲିସ କନେଷ୍ଟବଳଙ୍କୁ ପିଟିପିଟି ହତ୍ୟା କରାଯାଇଛି । ପୋଲିସ କର୍ମଚାରୀ ଜଣକ ହେଉଛନ୍ତି ଅବଦୁଲ ଗନି । ସେ ଏକ ଜମି ବିବାଦର ତଦନ୍ତ କରିବାକୁ ଯାଇଥିବା ବେଳେ ଲୋକମାନେ ତାଙ୍କୁ ଆକ୍ରମଣ କରି ହତ୍ୟା କରିଛନ୍ତି । ଘଟଣାସ୍ଥଳରେ ବରିଷ୍ଠ ପୋଲିସ ଅଧିକାରୀମାନେ ପହଞ୍ଚି ଏହି ଘଟଣାର ତଦନ୍ତ ଜାରି ରଖିଛନ୍ତି ।
ଭିଡିଓ ସୌଜନ୍ୟ: ଇଟିଭି ଭାରତ
ସୂଚନା ଅନୁସାରେ, ଶନିବାର ସନ୍ଧ୍ୟା 6ଟାରେ ପୋଲିସ କର୍ମଚାରୀ ଜଣକ ଏକ ଜମି ବିବାଦର ତଦନ୍ତ କରିବାକୁ ବାରାର ଗ୍ରାମ ପଞ୍ଚାୟତର ରାତିଆ ଥାକ ଗାଁକୁ ଯାଇଥିଲେ । ସେଠାରେ ଜମି ବିବାଦରେ ସଂପୃକ୍ତ ଥିବା ଲୋକମାନେ ତାଙ୍କୁ ପ୍ରବଳ ପିଟିଥିଲେ । ଫଳରେ ତାଙ୍କୁ ଗୁରୁତର ଅବସ୍ଥାରେ ଭୀମ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କର ମୃତ୍ୟୁ ହୋଇଥିଲା ।
