ନୂଆଦିଲ୍ଲୀ: ମାଳଦୀପ ଓ ଶ୍ରୀଲଙ୍କାରୁ ଦ୍ବିପାକ୍ଷିକ ଗସ୍ତ ସାରି ଫେରିଥିବା ପ୍ରଧାନମନ୍ତ୍ରୀ ମୋଦି ଏବେ ଏସସିଓ ଶିଖର ସମ୍ମିଳନୀରେ ଯୋଗ ଦେବେ । କିର୍ଗିଜସ୍ଥାନରେ ହେବାକୁ ଥିବା ଏସସିଓ ଶିଖର ସମ୍ମିଳନୀରେ ଯୋଗ ଦେବା ପାଇଁ ମୋଦି ଜୁନ 13 ତାରିଖ ସକାଳେ ବିଶ୍କେକ ଯାଉଥିବା ବେଳେ ସେଠାରେ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ସହ ମୁହାଁମୁହିଁ ହେବେ ।
ଏସସିଓ ଶିଖର ସମ୍ମିଳନୀରେ ବର୍ତ୍ତମାନ ଯାଏ ପାକିସ୍ତାନ ନେତାଙ୍କ ସହ କୌଣସି ଦ୍ବିପାକ୍ଷିକ କିମ୍ବା ଔପଚାରିକ ସାକ୍ଷାତକାର ହେବ ନାହିଁ ବୋଲି ବିଦେଶ ମନ୍ତ୍ରାଳୟ ପକ୍ଷରୁ କୁହାଯାଇଛି । କିନ୍ତୁ ବିଶ୍ବ ମଞ୍ଚରେ ଦୁଇ ନେତା ଆମନା ସାମନା ହେବା ସମୟରେ ଅନୌପଚାରିକ ସମ୍ବାଦକୁ ଏଡାଇ ଦିଆଯାଇ ନପାରେ ।
ଆତଙ୍କବାଦ, ଚରମପନ୍ଥି ଓ ଅପରାଧ ବିରୋଧରେ ସହଯୋଗ ଏସିସିଓ ସମ୍ମିଳନୀର ମହତ୍ତ୍ବପୂର୍ଣ୍ଣ ବିଷୟ ବୋଲି ବିବେଶ ମନ୍ତ୍ରାଳୟର ସଚିବ ଗିରିଶ ଶର୍ମା କହିଛନ୍ତି । ଏପରି ସ୍ଥିତିରେ ମୋଦି ପାକିସ୍ତାନ ପ୍ରଧାନମନ୍ତ୍ରୀଙ୍କ ଉପସ୍ଥିତିରେ ଆତଙ୍କବାଦର ସମସ୍ୟା ନେଇ ସ୍ବର ଉଠଇବା ସଙ୍କେତ ସ୍ପଷ୍ଟ ହେଉଛି ।
ମୋଦି ଜୁନ 14 ତାରିଖରେ ଏସସିଓ ଶିଖର ସମ୍ମିଳନୀକୁ ସମ୍ବୋଧିତ କରି ସନ୍ଧ୍ୟାରେ ଦିଲ୍ଲୀ ପ୍ରତ୍ୟାବର୍ତ୍ତନ କରିବେ । ଫେରିବା ପୂର୍ବରୁ ମୋଦି ତିନିଜଣ ନେତାଙ୍କୁ ନିଶ୍ଚିତ ସାକ୍ଷାତ କରିବା ନେଇ ସ୍ପଷ୍ଟ ହୋଇଛି । ଏମାନଙ୍କ ମଧ୍ୟରେ ଚୀନ ଓ ରୁଷ ରାଷ୍ଟ୍ରପତିଙ୍କ ସମେତ କିର୍ଗିଜସ୍ତାନର ରାଷ୍ଟ୍ରପତି ସାମିଲ ଅଛନ୍ତି ।
