ହାଇଦ୍ରାବାଦ: ମାଡ୍ରାସ ଆଇଆଇଟିର ଏକ କାର୍ଯ୍ୟକ୍ରମରେ ଯୋଗଦେବାକୁ ଚେନ୍ନାଇ ଗସ୍ତ କରିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହି ଅବସରରେ ମୋଦି ତାମିଲ ଭାଷାକୁ ପ୍ରଶଂସା କରିଥିଲେ । ଏହାସହ ତାମିଲ ଭାଷା ବିଶ୍ବର ସବୁଠାରୁ ପୁରୁଣା ଭାଷା ବୋଲି କହିଥିଲେ ।
ତାମିଲ ଭାଷାକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରଶଂସା କରିବା ପରେ ସ୍ବାଗତ କରିଛନ୍ତି ଡିଏମକେ ମୁଖ୍ୟ ଏମକେ ଷ୍ଟାଲିନ । ଏହାସହ ଷ୍ଟାଲିନ କହିଛନ୍ତି ଯଦି ପ୍ରଧାନମନ୍ତ୍ରୀ ତାମିଲ ଭାଷାକୁ ବିଶ୍ବର ସବୁଠୁ ପୁରୁଣା ଭାଷା କହୁଛନ୍ତି ତାହେଲେ ତାମିଲ ଭାଷାକୁ ସରକାରୀ ଭାଷା ମାନ୍ୟତା ଦେଇଦିଅନ୍ତୁ । ଆହୁରି କହିଛନ୍ତି ଆମେ ଖୁସୀ ଯେ ଆମ ପ୍ରଧାନମନ୍ତ୍ରୀ ତାମିଲକୁ ସବୁଠାରୁ ପୁରୁଣା ଭାଷା କହିଛନ୍ତି ।
କିନ୍ତୁ ଶ୍ରୀଲଙ୍କା ଓ ସିଙ୍ଗାପୁର ପରି ଭାରତରେ ତାମିଲ ସରକାରୀ ଭାଷାର ମାନ୍ୟତା ପାଇନି । ଯଥାଶୀଘ୍ର କେନ୍ଦ୍ର ସରକାର ତାମିଲ ଭାଷାକୁ ସରକାରୀ ଭାଷା ଭାବେ ମାନ୍ୟତା ଦିଅନ୍ତୁ ।
