ନୂଆଦିଲ୍ଲୀ: ଲକଡାଉନରେ ମଦ ପାଇଁ ଡହଳ ବିକଳ ହେଉଥିଲେ ଲୋକେ । ଆଉ ଯେବେ କେନ୍ଦ୍ରସରକାର ମଦ ଦୋକାନ ଖୋଲିବା ପାଇଁ ଅନୁମତି ଦେଲେ ସେବେଠାରୁ ମଦୁଆଙ୍କ ଖୁସି କହିଲେ ନସରେ । ଏମିତି ଦେଖାଦେଇଛି ଯେ କିଛି ରାଜ୍ୟ ସରକାର ମଦ ହୋମ ଡେଲିଭରି ମଧ୍ୟ ଦେଉଛନ୍ତି । ସେପଟେ ମଦ ଦୋକାନ ଖୋଲିବା ଦିନଠୁ ଦୋକାନ ଆଗରେ ଲୋକଙ୍କ ଅପର୍ଯ୍ୟାପ୍ତ ଗହଳି ଲାଗି ରହୁଛି । ଏମିତିକି କିଛି ଲୋକ ଦାଡିରେ ଛିଡା ହେବା ପରିବର୍ତ୍ତେ ନିଜ ହେଲମେଟ, ପାଣି ବୋତଲ, ଚପଲ ଆଦି ରଖିବା ଭଳି ଦୃଶ୍ୟ ମଧ୍ୟ ସାମନାକୁ ଆସୁଛି ।
ନୂଆଦିଲ୍ଲୀର ବସନ୍ତ ବିହାର ଅଞ୍ଚଳରେ ଏହି ଦୃଶ୍ୟ ଦେଖିବାକୁ ମିଳିଛି । ଖରା ଓ ଲମ୍ବା ଲାଇନ ଯୋଗୁଁ ଲୋକେ ନିଜ ସାଙ୍ଗରେ ନେଇଥିବା ଜିନିଷ ଧାଡି ରଖେ ଛାଇରେ ବସୁଛନ୍ତି । ମଦ ଦୋକାନ ଗୁଡିକରେ ସାମାଜିକ ଦୂରତା ବଜାୟ ରଖିବାକୁ ବୃତ୍ତାକାର ମାର୍ଟ କରାଯାଇଛି । ଯେଉଁଠି ଲୋକମାନେ ଧାଡିରେ ଠିଆ ହୋଇ ମଦ କିଣି ନେଇପାରିବେ । ହେଲେ ଏମିତି ଦେଖାଦେଇଥିଲା ଯେ ଲୋକେ ମଦ ପାଇଁ ଧାଡି ଭାଙ୍ଗି ପରସ୍ପର ମଧ୍ୟରେ ମାଡପିଟ ମଧ୍ୟ ହୋଇଥିଲେ ।
ଦିଲ୍ଲୀର ବନନ୍ତ ବିହାର ଅଞ୍ଚଳର ଦୃଶ୍ୟ ଟିକିଏ ନିଆରା ରହିଛି । ଧାଡିରେ ଲୋକମାନେ ନିଜ ଜିନିଷ ଯେମିତିକି ପାଣି ବୋତର, ହେଲମେଟ, ବ୍ୟାଗ ଆଦି ରଖିଦେଇ ଆରାମରେ ନିକଟ ସ୍ଥାନରେ ବସିଛନ୍ତି । ଯାହା ଦ୍ବାରା ସଂକ୍ରମଣ ବି ହବନି ଆଉ ମଦ ବି ସହଜରେ ମିଳିଯିବ । ତେବେ ଏଠରେ ସୂଚନା ଥାଉ ଯେ ମଦ ଦୋକାନ ଖୋଲିବା ପରେ ରାଜ୍ୟ ସରକାର ଗୁଡିକ କୋଟି କୋଟି ଟଙ୍କାର ବ୍ୟବସାୟ କରୁଛନ୍ତି । ନିକଟ ଭବିଷ୍ୟତରେ ଏହା ଆହୁରୀ ବୃଦ୍ଧି ପାଇବ ବୋଲି ମଧ୍ୟ ଆଶା କରାଯାଉଛି ।
