ନୂଆଦିଲ୍ଲୀ: ବିମାନଯାତ୍ରୀଙ୍କ ଠାରୁ ଜୀବନ୍ତ ଗୁଳି ସହିତ ମାଗାଜିନ ଜବତ । ଦିଲ୍ଲୀର ଇନ୍ଧିରା ଗାନ୍ଧୀ ବିମାନ ବନ୍ଦରରେ ଆହ୍ଲାବାଦ ଯାତ୍ରା କରୁଥିବା ଯାତ୍ରୀଙ୍କ ଠାରୁ ଅଫୁଟା ଗୁଳି ସହିତ ମାଗାଜିନ ବ୍ୟାଗରୁ ଜବତ କରାଯାଇଛି ।
ଚନ୍ଦ୍ର ମୋହନ ବାଲି ନାମକ ବ୍ୟକ୍ତି ସେ ଦିଲ୍ଲୀରୁ ଆହ୍ଲାବାଦ ଫ୍ଲାଇଟରେ ଯିବା ପାଇଁ ପ୍ରସ୍ତୁତିରେ ଥିଲେ । ସିଆଏସଏଫ ବା କେନ୍ଦ୍ରୀୟ ଶିଳ୍ପ ସୁରକ୍ଷା ବଳର ସୁକ୍ୟୁରିଟି ଯାଞ୍ଚବେଳେ 7.65 ଏମଏମର ପାଞ୍ଚ ରାଉଣ୍ଡ ଜୀବନ୍ତ ଗୁଳି ସହିତ ମାଗାଜିନ ଜବତ କରାଯାଇଛି ।
ଗିରଫ ଅଭିଯୁକ୍ତ ଓ ଜବତ ମାଗାଜିନ ସହିତ ଗୁଳି ଦିଲ୍ଲୀ ପୋଲିସକୁ ଆଇନଗତ କାର୍ଯ୍ୟାନୁଷ୍ଠାନ ପାଇଁ ହସ୍ତଗତ କରାଯାଇଛି । ଭାରତୀର ଆର୍ମଶ ଆକ୍ଟ ଅନୁସାରେ ଅଭିଯୁକ୍ତଙ୍କ ବିରୋଧରେ ମାମଲା ରୁଜୁ କରାଯାଇଛି । ଅଭିଯୁକ୍ତଙ୍କ ପାଖରେ ବନ୍ଧୁକ ଲାଇସେନ୍ସ ଅଛି କି ନାହିଁ ତାହା ବର୍ତ୍ତମାନ ପର୍ଯ୍ୟନ୍ତ ଜଣାପଡିନାହିଁ । ବର୍ତ୍ତମାନ ପୋଲିସ ଅଧିକ ତଦନ୍ତ ଜାରି ରଖିଛି ।
@ANI
