ନୂଆଦିଲ୍ଲୀ: 2019 ବିଶ୍ବକପରେ ଭାରତ ଓ ପାକିସ୍ତାନ ମଧ୍ୟରେ ବହୁ ଚର୍ଚ୍ଚିତ ମ୍ୟାଚ ରବିବାର ଖେଳାଯାଇଥିଲା । ଯେଉଁଥିରେ ପାକିସ୍ତାନକୁ 89 ରନରେ ହରାଇ ଟିମ ଇଣ୍ଡିଆ ମହାବିଜୟ ହାସଲ କରିଥିଲା । ତେବେ ପାକିସ୍ତାନର ଏହି ଶୋଚନୀୟ ପରାଜୟକୁ ନେଇ ମୁହଁ ଖୋଲିଛନ୍ତି ପାକ୍ ବୈଦେଶିକ ମନ୍ତ୍ରୀ ଶାହ ମହମୁଦ କ୍ୟୁରେସୀ ।
ତେବେ ସେ ଏକ ସ୍ବତନ୍ତ୍ର ଗଣମାଧ୍ୟମକୁ ସାକ୍ଷାତ କରି କହିଛନ୍ତି,‘‘ ମୁଁ ଆଶା କରୁଛି ଭବିଷ୍ୟତରେ ଦୁଇ ଦେଶ ଭାରତ ଏବଂ ପାକିସ୍ତାନ ମଧ୍ୟରେ ଦ୍ବିଦେଶୀୟ କ୍ରିକେଟ୍ ମ୍ୟାଚ୍ ଖେଳାଯିବ । ଏଥିସହ ସେ କହିଥିଲେ ଉଭୟ ଦେଶ କ୍ରିକେଟ ଖେଳର ଭାବନାକୁ ସମ୍ମାନ କରି ମ୍ୟାଚ ଖେଳିବା ଉଚିତ୍ । ଏହାଛଡା ଉପ ମହାଦ୍ବୀପ କ୍ଷେତ୍ର ଗୁଡିକରେ କ୍ରିକେଟ୍ ବହୁତ ପପୁଲାର ଅଟେ ଏବଂ ପାକିସ୍ତାନ ପ୍ରଧାନମନ୍ତ୍ରୀ ଇମରାନ ଖାନ୍ କ୍ରିକେଟ ଖେଳର ଏକ ନୂଆ ପରିଚୟ ସୃଷ୍ଟି କରିଛନ୍ତି ।
