ଥିରୁଅନନ୍ତପୁରମ: କେରଳର ଅଲାପୁଝାରେ ଦୁର୍ଘଟଣା । ଏକ କାର ଗୋଟିଏ ଦିନରେ 6 ଜଣଙ୍କ ଉପରେ ଚଢିଯିବା ଜଣାପଡିଛି । ସମସ୍ତ ଆହତଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି ।
ନିୟନ୍ତ୍ରଣ ହରାଇ ପିଟିଲା କାର
ସୂଚନାମୁତାବକ, ରାସ୍ତାରେ ଚାଲିଚାଲି ଆସୁଥିବା କିଛି ଛାତ୍ରୀଙ୍କ ଉପରେ ଏକ କାର ନିୟନ୍ତ୍ରଣ ହରାଇ ଚଢିଯାଇଥିଲା । ସେହିପରି ଉକ୍ତ କାରଟି ଆଉ ଜଣେ ଛାତ୍ରୀ ସାଇକେଲରେ ଆସୁଥିବାବେଳେ ତାଙ୍କୁ ମଧ୍ୟ ଧକ୍କା ଦେଇଥିଲା । ପଳରେ ଛାତ୍ରୀ ଜଣଙ୍କ ବହୁ ଦୂରକୁ ଛିଟିକି ହୋଇପଡିଥିଲେ ।
ସେହିପରି ଆଉ ଏକ ସ୍ଥାନରେ ଜଣେ ବ୍ୟକ୍ତି ବାଇକ ନେଇ ଯାଉଥିବା ବେଳେ କାରଟି ତାଙ୍କ ବାଇକକୁ ମଧ୍ୟ ଧକ୍କା ଦେଇଥିଲା । ଯାହାକୁ ନେଇ ଘଟଣାରେ 6 ଜଣ ଆହତ ହୋଇଛନ୍ତି । ତେବେ ନିକଟରେ ଲାଗିଥିବା ଏକ ସିସିଟିଭି ରେ ସମସ୍ତ ଘଟଣା ରେକର୍ଡ ହୋଇଥିବାବେଳେ, ଏହାକୁ ଆଧାର କରି ଅଭିଯୁକ୍ତକୁ ଖୋଜିବା ଆରମ୍ଭ କରିଛି ପୋଲିସ ।
ବ୍ୟୁରୋ ରିପୋର୍ଟ, ଇଟିଭି ଭାରତ
