ଲକ୍ଷ୍ନୌ: ପ୍ରସାର ଭାରତୀର ପ୍ରାଥମିକ ଆକଳନ ଅନୁଯାୟୀ, ଅଯୋଧ୍ୟାରେ ରାମ ମନ୍ଦିରର ଭୂମି ପୂଜନ ସମାରୋହର ଲାଇଭ ଟେଲିକାଷ୍ଟ 160 ମିଲିୟନ ଲୋକ ଦେଖିଛନ୍ତି। ଯାହାଫଳରେ ଟିଭି ୟୁନିଭର୍ସରେ ଏକ ମିନିଟରୁ 7 ବିଲିୟନରୁ ଅଧିକ ଦର୍ଶକ ଦେଖିଛନ୍ତି।
ପ୍ରସାର ଭାରତୀ ସିଇଓ ଶଶି ଶେଖର ଭେମ୍ପତି କହିଛନ୍ତି, ବୁଧବାର ସକାଳ 10.45 ରୁ ଦିନ 2ଟା ମଧ୍ୟରେ ଥିବା ମୁଖ୍ୟ କାର୍ଯ୍ୟକ୍ରମକୁ ପ୍ରାୟ 200 ଟିଭି ଚ୍ୟାନେଲ ଦ୍ୱାରା ଦୂରଦର୍ଶନ ଲାଇଭ କଭରେଜ କରିଥିଲା ।
ପ୍ରକାଶ ଥାଉକି, ଅଯୋଧ୍ଯା ରାମ ମନ୍ଦିର ଭୂମି ପୂଜନ ସମାରୋହରେ ପ୍ରଧାନମନ୍ତ୍ରୀ ମୋଦିଙ୍କ ସମେତ 175 ଅତିଥି ସାମିଲ ହୋଇଥିଲେ । କୋରୋନା ମହାମାରୀ କାରଣରୁ ଭୂମି ପୂଜନରେ ସମସ୍ତ କୋରୋନା କଟକଣା ପାଳନ କରାଯାଇଥିଲା। ଏଥିସହ ଲୋକମାନଙ୍କୁ ଘରେ ରହି ପୂଜା କରିବାକୁ ଅଧିକାରୀ ନିର୍ଦ୍ଦେଶ ଦେଇଥିଲେ ।
