କୋଲକାତା: ଭାରତ-ବାଂଲାଦେଶ ସୀମାରେ ଅଘଟଣ । ବାଂଲାଦେଶ ସୀମା ସୁରକ୍ଷା ବାହିନୀ ବର୍ଡର ଗାର୍ଡ ବାଂଲାଦେଶ (ବିଜିବି) ଗୁଳିରେ ଜଣେ ବିଏସଏଫ ଯବାନ ଶହୀଦ ହୋଇଛନ୍ତି । ଅନ୍ୟ ଜଣେ ଯବାନ ଆହତ ହୋଇଛନ୍ତି ।
ବାଲାଂଦେଶୀ- ବିଏସଏଫ ଗୁଳିବିନିମୟ
ଶହୀଦ ଯବାନଙ୍କ ନାଁ ହେଲା ବିଜୟ ଭାନ ସିଂ । ତେବେ କନେଷ୍ଟବଳ ରାଜବୀର ସିଂଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଚିକିତ୍ସା ପାଇଁ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଛି ।
ପ୍ରକାଶ ଯେ, ଜଣ ଭାରତୀୟ ମତ୍ସ୍ୟଜୀବୀଙ୍କୁ ଗିରଫ କରଥିଲା ବିଜିବି । ପରେ ମତ୍ସ୍ୟଜୀବୀଙ୍କୁ ମୁକ୍ତ କରିବା ଲାଗି ଡକାଯାଇଥିଲା ଫ୍ଲାଗ ମିଟିଂ । ତେବେ ଏହି ମିଟିଂରୁ ଫେରୁଥିବା ବେଳେ ବିଏସଏଫ ଯବାନକୁ ଗୁଳି କରି ଥିଲେ ବିଜିବି ଯବାନ ।
ତେବେ ଯବାନ ବିଜୟ ସିଂଙ୍କ ମୁଣ୍ଡରେ ଗୁଳି ବାଜିଥିବା ବେଳେ ଅନ୍ୟ ଜଣେ ଯବାନ ରାଜୀବରଙ୍କ ଡାହଣ ହାତରେ ଗୁଳି ବାଜିଥିଲା । ଦୁହିଁଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କାରଯାଇଥିବା ବେଳେ ବିଜୟଙ୍କୁ ଡାକ୍ତର ମୃତ ଘୋଷଣା କରିଥିଲେ ।
