ରାୟପୁର: 6 ବର୍ଷର ଶିଶୁପୁତ୍ର ସହ ଯୌନଶୋଷଣ ଅଭିଯୋଗ । ଏଭଳି ଘଟଣା ଦେଖିବାକୁ ମିଳିଛି ଛତିଶଗଡ ଜଶପୁର ଜିଲ୍ଲାର ପଥ୍ୟଲଗାଁଓ ଥାନା ଅଞ୍ଚଳରେ । ଏଭଳି ଘଟଣା ଘଟାଇଥିବା ଅଭିଯୁକ୍ତ ହେଉଛି ଫିରୁରାମ। ତାକୁ ଧାରା 377 ପୋସ୍କୋ ଆକ୍ଟ ଅନୁଯାୟୀ ଗିରଫ କରି ନ୍ୟାୟିକ ରିମାଣ୍ଡରେ ଜେଲ ପଠାଯାଇଛି।
ଘଟଣାରେ ସ୍ଥାନୀୟ ଥାନା ଆଇଆଇସି ସନ୍ତଲାଲ ଆୟାମ କହିଛନ୍ତି ଯେ, ଅଭିଯୁକ୍ତ ଫିରୁରାମ କୋଲଡୋଡୀ ନିବାସୀ । ସେ ତାର ପଡୋଶୀ ଘରର ଏକ 6 ବର୍ଷର ଶିଶୁ ପୁତ୍ର ଖେଳୁଥିବା ବେଳେ, ତାକୁ ପ୍ରଲୋଭନ ଦେଖାଇ ଘର ପାଖ ଏକ ନିଛାଟିଆ ସ୍ଥାନକୁ ନେଇଯାଇଥିଲା । ଆଉ ତା ସହ ଜବରଦସ୍ତ ଯୌନଶୋଷଣ କରିଥିଲା। ଏ ଘଟଣା ବାବଦରେ ପୀଡିତ ଶିଶୁପୁତ୍ର ସମସ୍ତ କଥା ତା’ର ବାପାକୁ କହିଥିଲା। ଏନେଇ ଥାନାରେ ଦିଆଯାଇଥିବା ଏତଲା ଅନୁସାରେ ପୋଲିସ ଫିରୁରାମକୁ ଗିରଫ କରି ଜେଲ ପଠାଇଛି।
