ଲଣ୍ଡନ: କିଛି ଦୋଷ ନାହିଁ,ହେଲେ ପୋଲିସ ଗିରଫ କରିଛି ଜଣେ 93 ବର୍ଷୀୟା ବୃଦ୍ଧା ଜୋସି ବର୍ଡଙ୍କୁ । ଏହାର କାରଣ ଜାଣିଲେ ଆପଣ ଆଶ୍ଚର୍ଯ୍ୟ ହେବେ । କାରଣ ବୃଦ୍ଧା ଶେଷ ଇଚ୍ଛା ଥିଲା କି, ଜେଲରେ କଏଦୀ କେମିତି ରୁହନ୍ତି ସେ ବିଷୟରେ ଜାଣିବା । ତେଣୁ ତାଙ୍କର ଶେଷ ଇଚ୍ଛା ବିଷୟରେ ପରିବାର ଲୋକଙ୍କୁ ଜଣାଇଥିଲେ ।
ତାଙ୍କର ନାତୁଣୀ ଜେଜେମାଙ୍କର ଶେଷ ଇଚ୍ଛା ପୂରଣ ପାଇଁ ଗ୍ରେଟର ମାଞ୍ଚେଷ୍ଟର ପୋଲିସକୁ ଅନୁରୋଧ କରିଥିଲେ । ପ୍ରଥମେ ପୋଲିସ ତାଙ୍କ କଥାରେ ରାଜି ହୋଇ ନଥିଲେ । କିନ୍ତୁ ଏହା ନିୟମ ବାହାରେ ଥିଲେ ମଧ୍ୟ ପରବର୍ତ୍ତୀ ମୂହୂର୍ତ୍ତରେ ରାଜି ହୋଇ ବୃଦ୍ଧାଙ୍କୁ ଗିରଫ କରି ହାଜତରେ ରଖିଥିଲେ ।
ବୃଦ୍ଧା ଜଣକ ହାଜତରେ ରହି ଅଭିଜ୍ଞତା ହାସଲ କରି ଖୁବ ଖୁସି ହୋଇଥିଲେ । ଆଉ ଏହାସହ ତାଙ୍କ ଶେଷ ଇଚ୍ଛା ମଧ୍ୟ ପୂରଣ ହୋଇଥିଲା । ପୋଲିସକୁ ଧନ୍ୟବାଦ ଦେଇଛନ୍ତି ବୃଦ୍ଧାଙ୍କ ନାତୁଣୀ ସ୍ମିଥ ।
