ନୂଆଦିଲ୍ଲୀ: ମହାମାରୀ କୋରୋନା ପାଇଁ ଦୀର୍ଘ 3 ମାସ ଧରି ଦେଶ ଲକଡାଉନ ସ୍ଥିତିରେ । ତେବେ ଲକଡାଉନ କାରଣରୁ ବହୁତ ଲୋକ ନିଜ ଜୀବିକା ହରାଇଛନ୍ତି । ଫଳରେ ବହୁତ ଅସୁବିଧାର ସମ୍ମୁଖୀନ ହେଉଛନ୍ତି ସାଧାରଣ ଲୋକେ । ତେବେ ଏଭଳି ପରିସ୍ଥିତିରେ ଯେଉଁମାନେ ଘରର କିସ୍ତି ଜମା କରି ପାରୁନାହାଁନ୍ତି ସେମାନଙ୍କୁ ନୋଏଡା କର୍ତ୍ତୃପକ୍ଷ ବଡ଼ ସହାୟତା କରିଛନ୍ତି । 3 ମାସ ପାଇଁ କୌଣସି ବିଲ୍ଡର ସୁଧ ନେବେ ନାହିଁ କି କ୍ରେତାମାନେ ମଧ୍ୟ କୌଣସି ସୁଧ ଦେବେ ନାହିଁ ବୋଲି ନୋଏଡା କର୍ତ୍ତୃପକ୍ଷ ଘୋଷଣା କରିଛନ୍ତି । ତେବେ ଏହି ସୁବିଧା ଗୋଷ୍ଠୀ ଗୃହ, ଶିଳ୍ପ ଏବଂ ଅନୁଷ୍ଠାନିକ ବଣ୍ଟନ ପାଇଁ ବୈଧ ହେବ ବୋଲି ନୋଏଡା କର୍ତ୍ତୃପକ୍ଷ ସିଇଓ ରିତୁ ମହେଶ୍ୱରୀ କହିଛନ୍ତି ।
ବକେୟା ଥିବା ବ୍ୟକ୍ତିଙ୍କ ପାଖରେ 30 ଜୁନ୍ ସୁଦ୍ଧା ସେମାନଙ୍କର ଦେୟ ଜମା କରିବାର ସୁଯୋଗ ରହିଛି। ଏହି ସମୟ ମଧ୍ୟରେ, କର୍ତ୍ତୃପକ୍ଷ 22 ମାର୍ଚ୍ଚରୁ 30 ଜୁନ୍ ମଧ୍ୟରେ ବକେୟା ଜମାକାରୀଙ୍କଠାରୁ ସୁଧ ନେବେ ନାହିଁ । କିନ୍ତୁ ଜୁଲାଇ 1 ରୁ ସେପ୍ଟେମ୍ବର 30 ପର୍ଯ୍ୟନ୍ତ, ବକେୟା କିସ୍ତି କେବଳ ସରଳ ସୁଧରେ ଜମା ହେବ । ଯଦି ସେପ୍ଟେମ୍ବର 30 ପରେ କ୍ରେତା ଟଙ୍କା ଜମା କରନ୍ତି, ତେବେ ସମଗ୍ର ମୋର୍ଚ୍ଚା ଅବଧି ପାଇଁ ଡିଫଲ୍ଟ ସୁଧ ଆଦାୟ କରାଯିବ ।
