ନୂଆଦିଲ୍ଲୀ: ସୁଲଭ ଚିକିତ୍ସା ଶିକ୍ଷା ଦିଗରେ ଏକ ଗୁରୁତ୍ବପୂର୍ଣ୍ଣ ପଦକ୍ଷେପରେ ଜାତୀୟ ମେଡିକାଲ କମିଶନ (NMC) ବାର୍ଷିକ MBBS ଆଡମିଶନ ନିୟମାବଳୀ (2020) ପାଇଁ ସର୍ବନିମ୍ନ ଆବଶ୍ୟକତାକୁ ପ୍ରକାଶ କରିଛି । ବିଜ୍ଞପ୍ତି ଅନୁସାରେ, ମେଡିକାଲ୍ କଲେଜ୍ ପାଇଁ ସର୍ବନିମ୍ନ ମାନକ ଆବଶ୍ୟକତା, 1999 ରେ ପରିବର୍ତ୍ତନ କରାଯାଇଛି ।
ସ୍ବାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟ ଅନୁଯାୟୀ, ଏହି ନୂତନ ନିୟମାବଳୀ ସେହି ନୂତନ ପ୍ରତିଷ୍ଠିତ ମେଡିକାଲ୍ କଲେଜ ପାଇଁ ଲାଗୁ ହେବ । 2021-22 ଶିକ୍ଷାବର୍ଷରୁ ପ୍ରତିଷ୍ଠିତ ମେଡିକାଲ କଲେଜ ଗୁଡିକରେ ବାର୍ଷିକ MBBS ସିଟ୍ ଗ୍ରହଣ ବୃଦ୍ଧି ହେବ।
ନୂତନ ନିୟମାବଳୀରେ ଏକ ମେଡିକାଲ୍ କଲେଜ ଏବଂ ଏହାର ଅନୁବନ୍ଧିତ ଶିକ୍ଷାଦାନ ଡାକ୍ତରଖାନା ପ୍ରତିଷ୍ଠା ପାଇଁ ଆବଶ୍ୟକ ପରିମାଣର ଜମି ରହିଛି। ନୂତନ ନିୟମାବଳୀ ଅନୁଯାୟୀ, ଛାତ୍ରମାନଙ୍କୁ ତାଲିମ ଦେବା ପାଇଁ ଏକ ଲାବ୍ରୋଟାରୀ ବର୍ତ୍ତମାନ ଜରୁରୀ । ଏହା ମଧ୍ୟ ଡାକ୍ତରୀ ଶିକ୍ଷକଙ୍କୁ ତାଲିମ ଦେବା ପାଇଁ ଏକ ମେଡିକାଲ୍ ଏଜୁକେସନ୍ ୟୁନିଟକୁ ବ୍ୟାଖ୍ୟା କରୁଛି ।
ଏକ ନୂତନ ମେଡିକାଲ୍ କଲେଜ ପ୍ରତିଷ୍ଠା ପାଇଁ ଆବେଦନ କରିବା ସମୟରେ ଅତି କମରେ ଦୁଇ ବର୍ଷ ପାଇଁ ଏକ ସମ୍ପୂର୍ଣ୍ଣ କାର୍ଯ୍ୟକ୍ଷମ 300 ବେଡ୍ ମଲ୍ଟି-ସ୍ପେସିଆଲିଟି ହସ୍ପିଟାଲର ଉପଲବ୍ଧତାକୁ ମଧ୍ୟ ନୂତନ ନିୟମାବଳୀ ବାଧ୍ୟତାମୂଳକ କରିଛି ।
