ଝାଡଖଣ୍ଡରେ ନକ୍ସଲ ହମଲା, 5 ଯବାନ ଶହୀଦ

ଝାଡଖଣ୍ଡର ଚାଇଁବସା ଜିଲ୍ଲାର ଷଢେଇକଳା ତିରୁଲଡିହ ଥାନା ଅଞ୍ଚଳରେ ନକ୍ସଲ ଆକ୍ରମଣ କରିଛନ୍ତି । ଏଥିରେ 5 ଜଣ ଯବାନ ଶହୀଦ ହୋଇଥିବା ଜଣା ପଡିଛି ।

ରାଞ୍ଚି: ଝାଡଖଣ୍ଡରେ ବଡ ଧରଣର ନକ୍ସଲ ଆକ୍ରମଣ ହୋଇଛି । ଚାଇଁବସା ଜିଲ୍ଲାର ଷଢେଇକଳା ତିରୁଲଡିହ ଥାନା ଅଞ୍ଚଳରେ ନକ୍ସଲ ଆକ୍ରମଣରେ 5 ଜଣ ଯବାନ ଶହୀଦ ହୋଇଥିବା ଜଣା ପଡିଛି ।

ସୂଚନା ମୁତାବକ, ନକ୍ସଲମାନେ କୁକଡୁ ସାପ୍ତାହିକ ହାଟ ନିକଟସ୍ଥ ତିରୁଲଡିହ ଥାନାର 5 ରୁ 6 ଜଣ ଯବାନଙ୍କ ଉପରକୁ ଆଖିବୁଜା ଗୁଳି ଚଳାଇଥିଲେ । ଶହୀଦଙ୍କ ମଧ୍ୟରେ 2 ଏଏସଆଇ ଓ 3 କନେଷ୍ଟବଳ ଥିବା ବେଳେ ଘଟଣାସ୍ଥଳରୁ ଆଉ ଜଣେ କନେଷ୍ଟବଳ ଗାଏବ ଅଛନ୍ତି । ସେପଟେ ଘଟଣାସ୍ଥଳରେ ଏବେ ସୁଦ୍ଧା କୌଣସି ପୋଲିସ ଅଧିକାରୀ ପହଞ୍ଚି ନଥିବା ସୂଚନା ମିଳିଛି ।