ଗାନ୍ଧୀନଗର: ନିଜ ଉଦାର ସ୍ବଭାବ ଓ ବରିଷ୍ଠଙ୍କ ପ୍ରତି ସମ୍ମାନ ପ୍ରଦର୍ଶନ ପାଇଁ ପରିଚିତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପୁଣିଥରେ ଏହାର ଏକ ଉଦାହରଣ ଦେଇଛନ୍ତି । ମଙ୍ଗଳବାର ମୋଦି ଗୁଜୁରାଟର ପୂର୍ବତନ ମୁଖ୍ୟମନ୍ତ୍ରୀ କେଶୁଭାଇ ପଟେଲଙ୍କ ପାଦ ଛୁଇଁ ପ୍ରଣାମ କରିଥିଲେ । ଏଠାରେ ଏକ ସଭାରେ ଯୋଗ ଦେବା ଅବସରରେ ଏପରି ଦେଖିବାକୁ ମିଳିଥିଲା ।
ଗୁଜୁରାଟକୁ 2 ଦିନିଆ ଗସ୍ତରେ ଆସିଛନ୍ତି ମୋଦି । ଏହି ଅବସରରେ ସେ ଅଦଲାଜରେ ଥିବା ଶିକ୍ଷାସନ ଭବନ ଏବଂ ବିଦ୍ୟାର୍ଥୀ ଭବନର ଶିଳାନ୍ୟାସ ପାଇଁ ଗାନ୍ଧୀନଗରରେ ପହଞ୍ଚିଛନ୍ତି । ଏଥିପାଇଁ ଆୟୋଜିତ ଏକ ସଭାରେ ଅତିଥିଙ୍କ ସହ ଗୁଜୁରାଟର ପୂର୍ବତନ ମୁଖ୍ୟମନ୍ତ୍ରୀ କେଶୁଭାଇ ପଟେଲ ଉପସ୍ଥିତ ଥିଲେ । ମୋଦି ସଭାରେ ପହଞ୍ଚି ସମସ୍ତଙ୍କ ସହ ହାତ ମିଳାଇଥିଲେ ।
#WATCH Prime Narendra Modi touches feet of former Gujarat Chief Minister Keshubhai Patel, at an event in Adalaj, Gujarat. pic.twitter.com/hlewIV8T7T
— ANI (@ANI) March 5, 2019 " class="align-text-top noRightClick twitterSection" data="
">#WATCH Prime Narendra Modi touches feet of former Gujarat Chief Minister Keshubhai Patel, at an event in Adalaj, Gujarat. pic.twitter.com/hlewIV8T7T
— ANI (@ANI) March 5, 2019#WATCH Prime Narendra Modi touches feet of former Gujarat Chief Minister Keshubhai Patel, at an event in Adalaj, Gujarat. pic.twitter.com/hlewIV8T7T
— ANI (@ANI) March 5, 2019
ତେବେ ସେ ଯେତେବେଳେ କେଶୁଭାଇଙ୍କ ପାଖରେ ପହଞ୍ଚିଲେ ତାଙ୍କୁ ନମସ୍କାର କରିବା ସହ ପାଦ ଛୁଇଁ ପ୍ରଣାମ କରିଥିଲେ । କେଶୁଭାଇ ତାଙ୍କୁ ହସ ହସ ମୁହଁରେ ଧରି ଆଲିଙ୍ଗନ କରିଥିଲେ । ଏହାପରେ ଉଭୟ କିଛି କଥାବାର୍ତ୍ତା କରିଥିଲେ । ଉଲ୍ଲେଖଯୋଗ୍ୟ ମୋଦି ସୋମବାର ନିଜ ମାଆ ହୀରବା ମୋଦିଙ୍କୁ ତାଙ୍କ ବାସଭବନରେ ସାକ୍ଷାତ କରିଥିଲେ । ଏହି ଅବସରରେ ସେ ମାଆଙ୍କ ପାଦ ଛୁଇଁ ପ୍ରଣାମ କରିଥିଲେ । ଅନେକ ସମୟରେ ମୋଦିଙ୍କୁ ବିଜେପିର ବରିଷ୍ଠ ନେତାଙ୍କ ପାଦ ଛୁଇଁ ପ୍ରଣାମ କରିଥିବାର ଦେଖାଯାଏ ।
କେଶୁଭାଇ ପଟେଲ 1995ରେ ଗୁଜୁରାଟର ମୁଖ୍ୟମନ୍ତ୍ରୀ ଥିଲେ । ଏହାପରେ ସେ 1998ରୁ 2001 ପର୍ଯ୍ୟନ୍ତ ପୁଣିଥରେ ମୁଖ୍ୟମନ୍ତ୍ରୀ ହୋଇଥିଲେ ।
