ମୁମ୍ବାଇ: ରାସ୍ତା ମଝିରେ ହୁ ହୁ ହୋଇ ଜଳିଗଲା ତେଲ ଟ୍ୟାଙ୍କର । ମହାରାଷ୍ଟ୍ରର ମୁମ୍ବାଇସ୍ଥିତ ଗୋରେଗାଓଁର ଏକ ବ୍ରିଜ ନିକଟରେ ଘଟିଛି ଏଭଳି ଅଭାବନୀୟ ଘଟଣା । ଅଗ୍ନିଶମ ବିଭାଗକୁ ସୂଚନା ମିଳିବା ପରେ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛନ୍ତି । ତେବେ ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଥିବା ବେଳେ ସମସ୍ତେ ସୁରକ୍ଷିତ ଥିବା ଜଣାପଡିଛି ।
ସୂଚନା ଅନୁସାରେ ଆଜି ସକାଳୁ ମୁମ୍ବାଇରେ ଅଗ୍ନିଶମ ବିଭାଗର ମକଡ୍ରିଲ ଚାଲିଛି । ଗୋଟେ ପଟେ ଏହି ଅଭିଯାନ ଚାଲିଥିଲା ବେଳେ ଅନ୍ୟପଟେ ମଝି ବ୍ରିଜରେ ତେଲ ଟ୍ୟାଙ୍କରରେ ଲାଗିଥିଲା ନିଆଁ । ତେବେ ଏହି ଅଗ୍ନିକାଣ୍ଡରେ କେହି ମୃତାହତ ହୋଇନଥିବା ସୂଚନା ମିଳିଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
