ଭୋପାଳ: ଅଯୋଧ୍ୟା ରାମ ମନ୍ଦିର ନିର୍ମାଣ ପାଇଁ ଆସନ୍ତା ଅଗଷ୍ଟ 5ରେ ଭିତ୍ତିପ୍ରସ୍ତର ସ୍ଥାପନ ନେଇ ଦିନ ଧାର୍ଯ୍ୟ ହୋଇଛି । ଯେଉଁଥିପାଇଁ ଉଜୈନର ମହାକାଳ ଜଙ୍ଗଲରୁ ମାଟି ଏବଂ ମହାକାଳ ମନ୍ଦିରରୁ ଭସ୍ମ ଆସିବ ବୋଲି ଜଣାପଡିଛି ।
ଅଯୋଧ୍ୟା ରାମ ମନ୍ଦିର ସହ ଦେଶର କୋଟିକୋଟି ଲୋକଙ୍କ ଆସ୍ଥା ଜଡିତ ଅଛି । ଅଯୋଧ୍ୟାର ରାମ ମନ୍ଦିର ଯାହାର ଭିତ୍ତି ପ୍ରସ୍ଥର ପୂଜା ପାଇଁ ଅଗଷ୍ଟ 5 ତାରିଖରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ସାମିଲ ହେବେ । ମାତ୍ର ଏଠାରେ ବଡ କଥା ହେଉଛି ଯେ, ଉଜୈନର ମହାକାଳ ବନରୁ ମାଟି ଏବଂ ବିଶ୍ବ ପ୍ରସିଦ୍ଧ ଜ୍ୟୋତିରିଙ୍ଗ ମହାକାଳ ମନ୍ଦିରର ଭସ୍ମ ମଧ୍ୟ ପୂଜା ପାଇଁ ଅଯୋଧ୍ୟାକୁ ପଠାଯିବ।
ବିଶ୍ବାସ ରହିଛି ଯେ, ଭଗବାନ ରାମ ଉଜୈନ ଆସିଥିଲେ । ସେଠାରେ ସେ ସିପ୍ରାନଦୀର ଏକ ଘାଟରେ ପୂଜାର୍ଚ୍ଚନା କରିଥିଲେ । ଯାହା ପରେ ସିପ୍ରାନଦୀର ଏହି ଘାଟର ନାମ ମଧ୍ୟ ରାମ ଘାଟ ରଖାଯାଇଛି । ଏବେ ଅଯୋଧ୍ୟାରେ ଭଗବାନ ଶ୍ରୀରାମଙ୍କ ମନ୍ଦିର ନିର୍ମାଣ କାର୍ଯ୍ୟ ଆରମ୍ଭ ହେବାକୁ ଯାଉଛି । ଯେଉଁଥିପାଇଁ 5 ଅଗଷ୍ଟରେ ଭିତ୍ତି ପ୍ରସ୍ଥର ପାଇଁ ଭୂମି ପୂଜନ ହେବ । ଏଥିପାଇଁ ପୂଜାରେ ଉଜୈନର ମହାକାଳ ବନରୁ ମାଟି ଓ 12 ଜ୍ୟୋତିଲିଙ୍ଗରୁ ଗୋଟେ ଉଜୈନର ମହାକାଳେଶ୍ବର ମନ୍ଦିରରେ ଭସ୍ମଏବଂ ବେଲପତ୍ର ମଧ୍ୟ ଅଯୋଧ୍ୟାର ରାମ ମନ୍ଦିରରେ ପୂଜନ ପାଇଁ ପଠାଯିବ ।
ଆହାନ ଆଖାଡାର ମହାକାଳେଶ୍ବର ଏବଂ ବିଶ୍ବ ହିନ୍ଦୁ ପରିଷଦର କେନ୍ଦ୍ରୀୟ ମାର୍ଗଦର୍ଶକ ସଦସ୍ୟ ମହାମଣ୍ଡଳେଶ୍ବର ଆଚାର୍ଯ୍ୟ ଶେଖର ସୂଚନା ଦେବାକୁ ଯାଇ କହିଛନ୍ତି ଯେ, ସମ୍ଭବତଃ 2 କିମ୍ବା 3 ତାରିଖରେ ଉଜୈନ ସିପ୍ରାନଦୀରେ ସ୍ନାନ ଧ୍ୟାନ ପୂଜାର୍ଚ୍ଚନା କରିବା ପରେ ମହାକାଳ ବନର ମାଟି ଓ ମହାକାଳ ମନ୍ଦିରର ଭସ୍ମ ନେଇ ଅଯୋଧ୍ୟା ଅଭିମୁଖେ ଯାତ୍ରା କରିବେ ।
ବ୍ୟୁରୋ ରିପୋର୍ଟ ଇଟିଭି ଭାରତ, ଭାରତ
