ଭୋପାଳ: ବଜ୍ରପାତରେ ଗୋଟିଏ ପରିବାରର 4 ଜଣଙ୍କ ମୃତ୍ୟୁ ହୋଇଛି । ଏଭଳି ଦୁଃଖଦ ଘଟଣା ଘଟିଛି ସିଦ୍ଧି ଜିଲ୍ଲାର ଖାଡିଖୁର୍ଧା ଅଞ୍ଚଳରେ । ମୃତକଙ୍କ ମଧ୍ୟରେ ତିନି ଭାଇ ଓ ଜଣେ ସେମାନଙ୍କ ଭଉଣୀ ଥିବା ଜଣାପଡିଛି । ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଉଦ୍ଧାର କରି ଅଧିକ ତଦନ୍ତ ଜାରି ରଖିଛି ।
ବଜ୍ରପାତରେ ଗୋଟିଏ ପରିବାରର 4 ମୃତ
ସୂଚନା ଅନୁସାରେ, 4 ଭାଇଭଉଣୀ ବାହାରେ ବୁଲୁ ଥିବା ସମୟରେ ମେଘ ପବନ ହୋଇଥିଲା । ଏହା ସହବର୍ଷା ମଧ୍ୟ ହୋଇଥିଲା । ଫଳରେ ବର୍ଷାରୁ ରକ୍ଷା ପାଇବା ପାଇଁ ଗଛ ତଳେ ଆଶ୍ରୟ ନେଇଥିଲେ । ଏହି ସମୟରେ ବଜ୍ରପାତ ହୋଇଥିଲେ । ଘଟଣାସ୍ଥଳରେ ତିନି ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର ହୋଇପଡି ଥିଲେ । ଫଳରେ ତାଙ୍କୁ ଚିକିତ୍ସା ପାଇଁ ମେଡିକାଲରେ ଭର୍ତ୍ତି କରାଯାଇଥିଲା । ହେଲେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ଘଟିଥିବା ଜଣାପଡିଛି । ତେବେ, ଏହି ଘଟଣାକୁ ନେଇ ପୁରା ଗାଁରେ ଶୋକର ଛାୟା ଖେଳି ଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
