କୋଲକାତା: ଜୟ ଶ୍ରୀରାମ କହିଲେ ଜେଲରେ ପୁରାଉଛନ୍ତି ଦିଦି । ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ସମାଲୋଚନା କରି କିଛି ଏଭଳି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଲୋକସଭା ନିର୍ବାଚନର ଷଷ୍ଠ ଏବଂ ସପ୍ତମ ପର୍ଯ୍ୟାୟ ପାଇଁ ପ୍ରଚାର ଜାରି ରହିଥିବା ବେଳେ ଆଜି ପଶ୍ଚିମବଙ୍ଗର ତମଲୁକରେ ଏକ ଜନସଭାକୁ ସମ୍ବୋଧିତ କରି ସେ ଦିଦିଙ୍କ ଉପରେ ବର୍ଷିଛନ୍ତି ।
ସୂଚନା ଯୋଗ୍ୟ ଯେ, କିଛି ଦିନ ପୂର୍ବରୁ ଏକ ଭିଡିଓ ସାମ୍ନାକୁ ଆସିଥିଲା, ଯେଉଁଥିରେ କିଛି ଲୋକ ମମତା ବାନାର୍ଜୀଙ୍କ ଆଗରେ ଜୟ ଶ୍ରୀରାମ ନାରା ଲଗାଇଥିଲେ । ଯାହା ମମତାଙ୍କୁ ଭଲ ଲାଗି ନଥିଲା । ଜୟ ଶ୍ରୀରାମ କହିଥିବା ଲୋକଙ୍କୁ ଗିରଫ ମଧ୍ୟ କରାଯାଇଥିଲା ।
