ଲକ୍ଷ୍ନୌ: ଆଗ୍ରାର ଜନପଦ ଥାନା ଅଧିନସ୍ଥ ଫତେହାବାଦ ଅଞ୍ଚଳରେ ମୋବାଇଲ ଫାଟିବା ଯୋଗୁଁ ଜଣେ ଛାତ୍ରର ମୃତ୍ୟୁ ହୋଇଥିବାବେଳେ ଅନ୍ୟ ଜଣେ ଗୁରୁତର ଆହତ ହୋଇଛି । ଚିକିତ୍ସା ପାଇଁ ଗୁରୁତର ହୋଇଥଇବା ଛାତ୍ରକୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି ।
ଉଭୟ ମୋବାଇଲକୁ ଚାର୍ଜରେ ଲଗାଇ ଗୀତ ଶୁଣିଥିଲେ । ହଠାତ ମୋବାଇଲର ବ୍ୟାଟେରୀ ଫାଟି ଯାଇଥିଲା । ଫଳରେ 2 ଜଣ ଯାକ ଲହୁଲୁହାଣ ହୋଇଯାଇଥିଲେ । ସେଥିମଧ୍ୟରୁ ନୀରଜର ଘଟଣାସ୍ଥଳରେ ହିଁ ମୃତ୍ୟୁ ହୋଇଥିବା ବେଳେ, ଗୁରୁତର ହୋଇଥିବା ଧର୍ମେନ୍ଦ୍ରକୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି। ତାର ସ୍ୱାସ୍ଥ୍ୟବସ୍ଥା ଅତି ସଙ୍କଟାପନ୍ନ ରହିଛି ।
ଭିଡିଓ ସୌଜନ୍ୟ: ଇଟିଭି ଭାରତ
ଖବରପାଇ ଫତେହାବାଦ ପୋଲିସ ଘଟଣାସ୍ଥଳରେ ପହଞ୍ଚି ଏକ ଅପମୃତ୍ୟୁ ମାମଲା ରୁଜୁ କରି ମୃତଦେହକୁ ବ୍ୟବଚ୍ଛେଦ ପାଇଁ ପଠାଇବା ସହ ଏ ଘଟଣାର ତଦନ୍ତ ଜାରି ରଖିଛି ।
