ବେଙ୍ଗାଲୁର: କର୍ଣ୍ଣାଟକର ଗଡଗ ଜିଲ୍ଲାର କୋଟୁମଚାଗୀ ଗାଁରେ ରୁହନ୍ତି ଶିଲ୍ଲାମା । ଛଅ ମାସ ପୂର୍ବରୁ ଶିଲ୍ଲାମା ତାଙ୍କ ସ୍ବାମୀଙ୍କ ସହ ହୀରାବଗନା ଗାଁ ନିକଟରେ ଥିବା ଏକ କୁକୁଡା ଫାର୍ମକୁ କାମ କରିବାକୁ ଯାଇଥିଲେ । ଆଜି ଏଠାରେ କାମ କରିବା ସମୟରେ ଶିଲ୍ଲାମା ଏକ ନାଗ ସାପକୁ ଦେଖିଥିଲେ । ଆଉ ସାପଟିକୁ ଦେଖିବା ପରେ ହଠାତ୍ ତାକୁ ଧରି ନିଜ ବେକରେ ପକାଇଥିଲେ । ଏହି ଦୃଶ୍ୟକୁ ଲୋକେ ଦେଖିବା ପରେ ମହିଳାଙ୍କ ଶରୀରରେ ଭଗବାନ ପ୍ରବେଶ କରିଥିବା କହିଥିଲେ । ପାଖାପାଖି 6 ଫୁଟ ଲମ୍ବର ଏହି ସାପଟି ମହିଳାଙ୍କ ବେକରେ ଗୁଡାଇ ହୋଇ ସମସ୍ତଙ୍କୁ କରିଛି ଆଶ୍ଚର୍ଯ୍ୟ ।
ଶିଲ୍ଲାମାଙ୍କ ବନ୍ଧୁ ସାଜିଛି ସାପ
ସାପଟିକୁ ଧରି ମହିଳା ଗାଁରେ ଥିବା ଶ୍ରୀ ଗଭିସିଦ୍ଧେଶ୍ବରୀ ମନ୍ଦିରରେ ପହଞ୍ଚିଥିଲେ । ସେଠାରେ ବି ପହଞ୍ଚି ସେ ସାପ ସହ କିଛି ସମୟ ଖେଳିଥିଲେ । ତେବେ ସାପଟି ବିଷଧର ହୋଇନଥିବା ଜଣାପଡିଛି । ଦୁଇ ବର୍ଷ ପୂର୍ବ ଶିଲ୍ଲାମାଙ୍କ ଶରୀରରେ ଭଗବାନ ପ୍ରବେଶ କରିଥିବା ତାଙ୍କ ସ୍ବାମୀ ଦାବି କରିଛନ୍ତି ।
ବ୍ୟୁରୋ ରିପୋର୍ଟ ଇଟିଭି ଭାରତ
