ମୁମ୍ବାଇ: ଉତ୍ତରପ୍ରଦେଶର ମିରଟରେ ବିକ୍ଷୋଭକାରୀଙ୍କୁ ନିୟନ୍ତ୍ରଣ କରିବାକୁ ଯାଇ ଏସପିଙ୍କ 'ପାକିସ୍ତାନ ଚାଲିଯାଅ' ମନ୍ତବ୍ୟ । ଏସପି ଅଖିଳେଶ ନାରାୟଣଙ୍କ ଏପରି ମନ୍ତବ୍ୟକୁ ନା ପସନ୍ଦ କରିଛନ୍ତି କେନ୍ଦ୍ରମନ୍ତ୍ରୀ ମୁଖତାର ଆବାସ ନକଭୀ। ଏହାସହ ଏସପିଙ୍କ ବିରୋଧରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ମଧ୍ୟ ଦାବି କରିଛନ୍ତି । ସେପଟେ, ଆନ୍ଦୋଳନକୁ ନିୟନ୍ତ୍ରଣ କରିବାକୁ ଯାଇ, ପୋଲିସର ଏଭଳି କାର୍ଯ୍ୟାନୁଷ୍ଠାନ ଗ୍ରହଣଯୋଗ୍ୟ ନୁହେଁ ବୋଲି କହିଥିଲେ ନକବୀ ।
ସିଏଏକୁ ବିରୋଧ କରି ଉତ୍ତରପ୍ରଦେଶର ଜୋରଦାର ବିରୋଧ କରାଯାଉଛି । ଗତ 20 ତାରିଖରେ ଏହି ପ୍ରତିବାଦକୁ ରୋକିବାକୁ ସ୍ଥିତି ସମୀକ୍ଷା କରିଥିଲେ ଏସପି । ଏହି ସମୟରେ ହିଂସା ଓ ଆନ୍ଦୋଳନ କରୁଥିବା ପ୍ରଦର୍ଶନକାରୀଙ୍କୁ ଏସପି ତାଗିଦ କରି କହିଥିଲେ, 'କୁଆଡେ ଯିବ, ମୁଁ ତୁମ ମାନଙ୍କୁ ଠିକ କରିଦେବି' । ଆଉ ନାଲି କଳା ପଟ୍ଟି ପିନ୍ଧିଥିବା ଲୋକଙ୍କୁ କହିଦିଅ, ସେମାନେ ପାକିସ୍ତାନ ଚାଲିଯାଆନ୍ତୁ । ତେବେ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଏସପିଙ୍କୁ ବହୁ ସମାଲୋଚନା ଶିକାର ହେବାକୁ ପଡିଛି ।
