ନୂଆଦିଲ୍ଲୀ: ରାଜଧନୀ ଦିଲ୍ଲୀରେ ଲକଡାଉନ ସମୟରେ ପୋଲିସ୍ କର୍ମଚାରୀଙ୍କ ଯାତାୟାତ ପାଇଁ ଆରମ୍ଭ ହୋଇଛି ମେଟ୍ରୋ ସେବା । ସେମାନଙ୍କ ସେବା ପାଇଁ ସକାଳେ ଦୁଇଟି ମେଟ୍ରୋ ଏବଂ ସନ୍ଧ୍ୟାରେ ଦୁଇଟି ମେଟ୍ରୋ ଉପଲବ୍ଧ ରହିବ । ଏଥିରେ କେବଳ ଦିଲ୍ଲୀ ପୋଲିସ କର୍ମଚାରୀଙ୍କୁ ଯାତ୍ରା କରିବାକୁ ସୁଯୋଗ ମିଳିବା ବେଳେ ସାଧାରଣ ନାଗରିକଙ୍କୁ ମେଟ୍ରୋ ଭିତରକୁ ଯିବାକୁ ଅନୁମତି ଦିଆଯିବ ନାହିଁ । ସାରା ଦେଶ ଲକଡାଉନ ଥିବା ବେଳେ ରାଜଧାନୀ ଦିଲ୍ଲୀରେ ପୋଲିସ କ୍ରମାଗତ ଭାବେ ଡ୍ୟୁଟି କରୁଛନ୍ତି । ଫଳରେ ଘରୁ ଡ୍ୟୁଟିକୁ ଯିବା ଆସିବାରେ ବିଭିନ୍ନ ଅସୁବିଧାର ସମ୍ମୁଖୀନ ହେଉଥିବାରୁ ପୋଲିସ କମିଶନର ମଞ୍ଜିତ (ଦିଲ୍ଲୀ ମେଟ୍ରୋ ରେଳ ନିଗମ)DMRC ଙ୍କ ସହ କଥା ହୋଇ ଏଭଳି ନିଷ୍ପତ୍ତି ନେଇଛନ୍ତି ।
ମେଟ୍ରୋରେ ଯାତ୍ରା କରିବାକୁ ହେଲେ ପୋଲିସ କର୍ମଚାରୀଙ୍କୁ ସେମାନଙ୍କ ଆଇ-କାର୍ଡ ଦେଖାଇବାକୁ ପଡିବ। ପୋଲିସ୍ ୟୁନିଫର୍ମ ପିନ୍ଧିଥିବା ବେଳେ ହିଁ ସେମାନେ ମେଟ୍ରୋ ଭିତରେ ଅସ୍ତ୍ରଶସ୍ତ୍ର ନେଇ ପାରିବେ ବୋଲି ପୋଲିସ କମିଶନର ମଞ୍ଜିତ ସୂଚନା ଦେଇଛନ୍ତି । ଏଥିପାଇଁ ସେମାନଙ୍କୁ ସହଯୋଗ କରିବେ ଦିଲ୍ଲୀ ମେଟ୍ରୋ ରେଳ ନିଗମ ।
ବ୍ୟୁରୋ ରିପୋର୍ଟ, ଇଟିଭି ଭାରତ
