ବେଙ୍ଗାଲୁରୁ: ଶୌଚ଼ ପାଇଁ ଯାଇ ପାଣିରେ ଫସିଲେ ଯୁବକ । କର୍ଣ୍ଣାଟକର ରାଇଚୁରଠାରେ ଥିବା ମସ୍କି ଡ୍ୟାମ ନିକଟକୁ ଶୌଚ଼ ହେବାକୁ ଯାଇଥିବା ସମୟରେ ରବିବାର ଦୁଇ ଯୁବକ ପାଣି ଘେରରେ ଫସି ଯାଇଛନ୍ତି । ତାଲୁକ ପ୍ରଶାସନିକ ଅଧିକରୀ ଘଟଣାସ୍ଥଳରେ ପହଞ୍ଚି ଯୁବକ ଦ୍ବୟଙ୍କୁ ଉଦ୍ଧାର କରିଛନ୍ତି ।
ସୂଚନା ଅନୁଯାୟୀ, ଚେନ୍ନାବସଭା ଓ ଜଲୀଲା ନାମକ ଦୁଇ ଯୁବକ ସବୁଦିନ ଭଳି ରବିବାର ମସ୍କି ଡ୍ୟାମ ନିକଟକୁ ଶୌଚ଼କର୍ମ ପାଇଁ ଯାଇଥିଲେ । । ପ୍ରବଳ ବର୍ଷା ଯୋଗୁଁ ମୁସ୍କି ଡ୍ୟାମରୁ ସକାଳ 3 ଟାରେ 200 କ୍ୟୁସେକ ପାଣି ନିଷ୍କାସିତ କରାଯାଇଥିଲା । ହେଲେ କ୍ରମଶଃ ଜଳସ୍ତର ବୃଦ୍ଧି ପାଇ ଏହା ସକାଳ 8 ସୁଦ୍ଧା 16,00 କ୍ୟୁସେକରେ ପହଞ୍ଚିଥିଲା । ଯେତେବେଳେ ଉଭୟ ଯୁବକ ସେଠାରୁ ଫେରିବା ପାଇଁ ଉଦ୍ୟମ କରିଥିଲେ, ହେଲେ ଆଉ ବାହାରି ପାରି ନଥିଲେ ।
ଖବର ପାଇ ତାଲୁକର ପ୍ରଶାସନିକ ଅଧିକାରୀ ଘଟଣାସ୍ଥଳରେ ପହଞ୍ଚିଥିଲେ ଏବଂ ଦୁଇ ଯୁବକଙ୍କୁ ଉଦ୍ଧାର କରିଛନ୍ତି । ତେବେ ଯୁବକ ଦ୍ବୟ ସଂପୂର୍ଣ୍ଣ ସୁରକ୍ଷିତ ଥିବା ଜଣାପଡ଼ିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
