ନୂଆଦିଲ୍ଲୀ: କ୍ରାଇମବ୍ରାଞ୍ଚ ନୋଟିସର ଜବାବ ଦେଇଛି ଦିଲ୍ଲୀ ନିଜାମୁଦ୍ଦିନ ତବଲିଗୀ ଜମାତ୍ର ମୁଖ୍ୟ ମୌଲାନା ସାଦ୍ । ଜବାବରେ ସେ ସେଲ୍ଫ କ୍ବାରେଣ୍ଟାଇନରେ ଥିବା କଥା କହିଛି ।
ତେବେ କ୍ରାଇମବ୍ରାଞ୍ଚ ମୌଲାନା ସାଦକୁ 26ଟି ପ୍ରଶ୍ନ ପଚାରିଥିଲା । ଯାହାର ଜବାବରେ ସେ ସେଲ୍ଫ କ୍ବାରେଣ୍ଟାଇନରେ ଥିବା ଏବଂ ବର୍ତ୍ତମାନ ମକରଜ ବନ୍ଦ ଥିବା କଥା କହିଛି । ମକରଜ ଖୋଲିବା ପରେ ସେ ବାକି ପ୍ରଶ୍ନର ଉତ୍ତର ଦେବ ବୋଲି କହିଛି ।
ସୂଚନାଯୋଗ୍ୟ, ମାର୍ଚ୍ଚରେ ମକରଜରେ ହୋଇଥିବା ଏକ କାର୍ଯ୍ୟକ୍ରମରେ ଭିଡ ଯୋଗୁଁ ସାରା ଦେଶରେ କୋରୋନା ଭୂତାଣୁରେ ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇଛି । ଯାହାକୁ ନେଇ ଦିଲ୍ଲୀ ପୋଲିସ ମୌଲାନା ସାଦ ସହ 6 ଜଣଙ୍କ ବିରୋଧରେ ମାମଲା ରୁଜୁ କରିଥିଲା । ତେବେ ଉକ୍ତ ଘଟଣା ପରେ ମୌଲାନା ଫେରାର ଥିବା ବେଳେ ତାକୁ ଗିରଫ କରିବାକୁ ପୋଲିସ ପକ୍ଷରୁ ପ୍ରୟାସ ଜାରି ରହିଛି ।
