ରାଞ୍ଚି: ଲୋକସଭା ନିର୍ବାଚନ ସମୟରେ ଲାଲବାହିନୀର ଲଙ୍କାକାଣ୍ଡ । ଝାଡଖଣ୍ଡରେ ମାଓ ପ୍ରଭାବିତ ପାଲାମୁ ଜିଲ୍ଲାର ହରିହରଗଞ୍ଜରେ ମାଓବାଦୀଙ୍କ ଉପଦ୍ରବ ଦେଖିବାକୁ ମିଳିଛି। ଗୁରୁବାର ବିଳମ୍ବିତ ରାତ୍ରୀରେ ମାଓବାଦୀ ବୋମା ମାଡ କରି ବିଜେପି କାର୍ଯ୍ୟାଳୟକୁ ଉଡାଇ ଦେଇଛନ୍ତି । ଏହା ସହ କାର୍ଯ୍ୟଳୟରେ ମାଓବାଦୀ ଏକ ଚିଠି ଛାଡି ଦେଇ ଯାଇଛନ୍ତି । ଯେଉଁଥିରେ ରାଫେଲ ଦୁର୍ନୀତି ଠାରୁ ଆରମ୍ଭ କରି ପଳାତକ ବିଜୟ ମାଲ୍ୟା, ନୀରବ ମୋଦି , ବିମୁଦ୍ରୀକରଣ ଓ ସଂଖ୍ୟା ଲଘୁ ଧାର୍ମିକ ଗୋଷ୍ଠୀଙ୍କ ଉପରେ ଦେଶରେ ବଢୁଥିବା ଆକ୍ରମଣକୁ ବିରୋଧ କରାଯାଇ ସପ୍ତଦଶ ଲୋକସଭା ନିର୍ବାଚନରୁ ବର୍ଜନ କରିବା ପାଇଁ ଘୋଷଣା କରିଛନ୍ତି।
ଛତ୍ରପୁର ଡିଏସପି ଶମ୍ଭୁ କୁମାର ସିଂହ ଏହି ଘଟଣା ଭାରତୀୟ କମ୍ୟୁନିଷ୍ଟ ପାର୍ଟି (ଭାକପା ) ମାଓବାଦୀ ଏହି କାଣ୍ଡ କରିଥିବା ସୂଚନା ଦେଇଛନ୍ତି । ଏହି ଘଟଣାରେ ୧୨ ମାଓବାଦୀ ସାମିଲ୍ ଥିବା ଜଣାପଡିଛି । ବୋମା ବିସ୍ଫୋରଣ, ବ୍ୟାନର ପୋଷ୍ଟର ଲାଗିବା ପରେ ସ୍ଥାନୀୟ ଅଞ୍ଚଳରେ ଭୟ ବାତାବରଣ ସୃଷ୍ଟି ହୋଇଛି । ଥାନା ଠାରୁ ମାତ୍ର 400 ମିଟର ଦୂର ରାଜମାର୍ଗ-୯୮ ବସ୍ଷ୍ଟାଣ୍ଡ୍ ନିକଟରେ ବିଜେପି ପକ୍ଷରୁ ଦଳୀୟ ପ୍ରଚାର ପାଇଁ ଏହି ନିର୍ବାଚନୀ କାର୍ଯ୍ୟାଳୟ କିଛି ଦିନ ପୂର୍ବରୁ ଖୋଲାଯାଇଥିବା ଜଣାପଡିଛି।
