ଦିଲ୍ଲୀରେ NRC ଲାଗୁ କରିବାକୁ ଦାବି କଲେ ମନୋଜ ତିଓ୍ବାରୀ

ଆସାମରେ NRC ତାଲିକା ପ୍ରକାଶ ପରେ ଦିଲ୍ଲୀରେ ବି ଏହାକୁ ଲାଗୁ କରାଇବାକୁ ବିଜେପି ପ୍ରଦେଶ ଅଧ୍ୟକ୍ଷ ମନୋଜ ତିଓ୍ବାରୀଙ୍କ ଦାବି ।

ନୂଆଦିଲ୍ଲୀ: ଆସାମରେ ଏନଆରସି ଚୂଡାନ୍ତ ତାଲିକା ପ୍ରକାଶ ପାଇଛି । ତାଲିକା ପ୍ରକାଶ ପରେ ଆସାମରେ ରାଜନୈତିକ ମାହୋଲ ସରଗରମ ଥିବାବେଳେ ରାଷ୍ଟ୍ର ରାଜଧାନୀ ଦିଲ୍ଲୀରେ ବି ମଧ୍ୟ ଏନଆରସି ଲାଗୁ ନେଇ ଦାବି ଉଠିଛି ।

ବିଜେପି ପ୍ରଦେଶ ଅଧ୍ୟକ୍ଷ ମନୋଜ ତିଓ୍ବାରୀ ଦିଲ୍ଲୀରେ ଏନଆରସି ଲାଗୁ କରିବା ନେଇ ଦାବି କରିଛନ୍ତି । ଦିଲ୍ଲୀରେ ସ୍ଥିତି ଜଟିଳରୁ ଜଟିଳତର ହେଉଥିବାରୁ ଏଠାରେ ମଧ୍ୟ ରାଷ୍ଟ୍ରୀୟ ନାଗରିକ ରେଜିଷ୍ଟର ଲାଗୁ କରାଇବାକୁ ମନୋଜ କହିଛନ୍ତି ।

ଆଗାମୀ ଦିନରେ ଦିଲ୍ଲୀରେ ବିଧାନସଭା ନିର୍ବାଚନ ହେବାକୁ ଥିବାବେଳେ ଦେଶର ରାଜଧାନୀରେ ରହୁଥିବା ଅବୈଧ ପ୍ରବାସୀଙ୍କୁ ନେଇ ବିବାଦ ବଢିବାରେ ଲାଗିଛି ।