ଚେନ୍ନାଇ: ଲୋକପ୍ରିୟ ଆପ୍ ଟିକ୍ଟକ୍ ପାଇଁ ବଢିଲା ଅଡୁଆ। ଟିକ୍ଟକ୍ ବ୍ୟାନ ପରେ ଏବେ ଟିକ୍ଟକ୍ ଡାଉନ ଲୋଡ ଉପରେ ରୋକ୍ ଲଗାଇଛନ୍ତି ମାଡ୍ରାସ ହାଇକୋର୍ଟ । ଏହି ଆପ୍ରେ ଅଶ୍ଲିଳତା ଦେଖାଯାଉଥିବାରୁ ଏହା ଉପରେ ରୋକ୍ ଲଗାଇବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି ।
ସାଇବର କ୍ରାଇମର ଶିକାର ଶିଶୁ ମାନଙ୍କୁ ବଞ୍ଚାଇବା ପାଇଁ ଆମେରିକା ଭଳି ଆଇନ୍ ଆଣିବାକୁ କୋର୍ଟ କେନ୍ଦ୍ର ସରକାରଙ୍କୁ ନିର୍ଦ୍ଦେଶ ଦେଇଛନ୍ତି। ଏଥିସହ ଗଣମାଧ୍ୟମକୁ ଟିକ୍ଟିକ୍ ଭିଡିଓ ଗୁଡିକୁ ପ୍ରସାରଣ ନ କରିବା ପାଇଁ କହିଛନ୍ତି। ପ୍ରକାଶ ଯେ, ଗତ ଫେବୃଆରୀ ମାସରେ ଏହି ଆପ୍କୁ ବ୍ୟାନ କରିବା ପାଇଁ ତାମିଲନାଡୁ ସୂଚନା ଓ ପ୍ରସାରଣ ମନ୍ତ୍ରୀ ଏମ.ମନିକନ୍ଦନ ଦାବି କରିଥିଲେ। ଟିକ୍ଟକ୍ ଆପରେ ପ୍ରସ୍ତୁତ କରାଯାଉଥିବା ଅଶ୍ଲିଳ ଭିଡିଓକୁ ମଧ୍ୟ ବ୍ୟାନ କରିବାକୁ ଦାବି କରାଯାଇଥିଲା ।
