ନୂଆଦିଲ୍ଲୀ: ସମଗ୍ର ବିଶ୍ୱ ବର୍ତ୍ତମାନ କୋରୋନା ବିରୋଧରେ ଲଢେଇ ଜାରି ରଖିଛି । ଏହି ସମୟରେ ପରିବର୍ତ୍ତିତ ସମୟ ସହିତ ପ୍ରକୃତିର ଏକ ନୂଆ ରୂପ ଦେଖାଯିବା ଆରମ୍ଭ ହୋଇଛି । ଏପରିସ୍ଥଳେ ବରଫ ଆଚ୍ଛାଦିତ ଆଣ୍ଟାର୍କଟିକାର ବରଫାଚ୍ଛାଦିତ ପାହାଡ ବର୍ତ୍ତମାନ ଧୀରେ ଧୀରେ ସବୁଜ ହେବାରେ ଲାଗିଛି । ପ୍ରକୃତିର ଏହି ପରିବର୍ତ୍ତନ ଦେଖି ସମସ୍ତେ ଆଶ୍ଚର୍ଯ୍ୟ ହେଉଥିବାବେଳେ, ଅନେକ ଏହାକୁ ଏକ ବଡ଼ ସଙ୍କଟ ବୋଲି କହୁଛନ୍ତି । ଆଉ କିଛି ଏହାକୁ ପ୍ରାକୃତିକ ଘଟଣା ବୋଲି କହୁଛନ୍ତି । କିନ୍ତୁ ଆଣ୍ଟାର୍କଟିକାରେ ବରଫର ରଙ୍ଗ ପରିବର୍ତ୍ତନକୁ ବିଶେଷଜ୍ଞମାନେ ଅନ୍ୟ କିଛି ବୋଲି ବର୍ଣ୍ଣନା କରିଛନ୍ତି ।
ଆଣ୍ଟାର୍କଟିକାର ତୁଷାର ପର୍ବତଗୁଡିକର ସୌନ୍ଦର୍ଯ୍ୟ ନଜାରା କିଛି ଅଲଗା । ହେଲେ ଜଳବାୟୁ ପରିବର୍ତ୍ତନ ହେତୁ ଏଠାରେ ପାର୍ବତ୍ୟର ବଦଳୁଥିବା ପରିବର୍ତ୍ତନର ରଙ୍ଗ ଆଶ୍ଚର୍ଯ୍ୟଜନକ ଅଟେ । ପ୍ରକାଶିତ ନୂତନ ଅନୁସନ୍ଧାନ ଅନୁଯାୟୀ, ଜଳବାୟୁ ପରିବର୍ତ୍ତନ ହେତୁ ଉତ୍ତାପ ତାପମାତ୍ରା ବରଫକୁ ସବୁଜ ରଙ୍ଗରେ ପରିଣତ କରିବାରେ ସାହାଯ୍ୟ କରୁଛି। ଅନେକ ସ୍ଥାନରେ ଏହା ଏତେ ବଡ ଅଞ୍ଚଳରେ ଘଟିଛି ଯେ ଏହାକୁ ମହାକାଶରୁ ମଧ୍ୟ ଦେଖିହେବ । ବ୍ରିଟିଶ ଅନୁସନ୍ଧାନକାରୀ ଅର୍ନେଷ୍ଟ ଶେକଲଟନ ଦ୍ୱାରା କରାଯାଇଥିବା ଏକ ଅନୁସନ୍ଧାନରେ କୁହାଯାଇଛି ଯେ, ତୁଷାର ପର୍ବତଗୁଡିକର ସବୁଜ ରଙ୍ଗରେ ପରିବର୍ତ୍ତନ ଶୈବାଳ ଯୋଗୁଁ ହୋଇପାରେ।
ଅର୍ନେଷ୍ଟ ଶେକଲଟନଙ୍କ ରିପୋର୍ଟରେ ଦର୍ଶାଯାଇଛି ଯେ, ଦୀର୍ଘ ଦିନ ଧରି ଆଣ୍ଟାର୍କଟିକାରେ ଶୈବାଳ ରହିଛି । ବର୍ତ୍ତମାନ ସେଗୁଡିକ ଏତେ ମାତ୍ରାରେ ଉତ୍ପନ ହୋଇଛନ୍ତି ଯେ ବରଫର ରଙ୍ଗ ଧଳାରୁ ସବୁଜକୁ ବଦଳୁଛି । ୟୁରୋପୀୟ ସ୍ପେସ ଏଜେନ୍ସି ସେଣ୍ଟିନଲ ଉପଗ୍ରହ ମାଧ୍ୟମରେ 2 ବର୍ଷର ତଥ୍ୟ ସଂଗ୍ରହ କରିଛନ୍ତି । ବ୍ରିଟିଶ ଆଣ୍ଟାର୍କଟିକା ସର୍ଭେ ଏବଂ କେମ୍ବ୍ରିଜ୍ ବିଶ୍ୱବିଦ୍ୟାଳୟ ଦୀର୍ଘ ସମୟ ଧରି ଏଠାରେ ଭୂପୃଷ୍ଠକୁ ବିଶ୍ଳେଷଣ କରିଆସୁଥିଲେ। ସେମାନଙ୍କ ଦ୍ବାରା ସୃଷ୍ଟି ହୋଇଥିବା ଏକ ମାନଚିତ୍ର ଶୈବାଳ ଗୁଡ଼ିକର ଦ୍ରୁତ ଅଭିବୃଦ୍ଧିକୁ ଦର୍ଶାଏ ।
ଅନୁସନ୍ଧାନରୁ ଜଣାପଡିଛି ଯେ, ସବୁଠୁ ଅଧିକ ଶୈବାଳ ଆଣ୍ଟାର୍କଟିକା ପେନୁନସୁଲା ତଟରେ ରହିଛି । ଏକ ରିପୋର୍ଟ ଅନୁଯାୟୀ, ଶୈବାଳ ଗୁଡ଼ିକ କେବଳ ସବୁଜ ନୁହେଁ ବରଂ ସେମାନେ ନାଲି ଏବଂ କମଳା ରଙ୍ଗର ମଧ୍ୟ ଅଟନ୍ତି। ବୈଜ୍ଞାନିକମାନେ ଜାଣିବାକୁ ଚେଷ୍ଟା କରୁଛନ୍ତି ଯେ ସେମାନଙ୍କର ସଂଖ୍ୟା ବୃଦ୍ଧି ହେବାର କାରଣ କ’ଣ ଏବଂ ଭବିଷ୍ୟତରେ ଏହା ଆହୁରି ବୃଦ୍ଧି ପାଇପାରିବ କି ? ଶୈବାଳର ବିଶେଷତ୍ୱ ହେଉଛି ସେଗୁଡିକ ବାୟୁମଣ୍ଡଳରୁ କାର୍ବନ ଡାଇଅକ୍ସାଇଡ ଅବଶୋଷଣ କରିଥାନ୍ତି । ଏହାର ଅର୍ଥ ବାୟୁମଣ୍ଡଳରେ କାର୍ବନ ନିର୍ଗମନର ପରିମାଣରେ ବୃଦ୍ଧି ପାଇଛି ।
ବର୍ତ୍ତମାନ, ଆଣ୍ଟାର୍କଟିକାର କେତେକ ଅଞ୍ଚଳ ଏତେ ଘନ ରହିଛି ଯେ, ଏହା ମହାକାଶରୁ ବେଶ ଭଲ ଭାବେ ସବୁଜ ଦେଖାଯାଉଛି । ବୈଜ୍ଞାନିକମାନେ ପ୍ରକାଶ କରିଛନ୍ତି ଯେ, ଗ୍ଲୋବାଲ ୱାର୍ମିଂ ବଢିବା ସହିତ ଭବିଷ୍ୟତରେ ଆଲଗା ଅଭିବୃଦ୍ଧି ସେମାନଙ୍କର ପରିସରକୁ ବିସ୍ତାର କରିବ ଏବଂ ଧଳା ମାଳଦ୍ୱୀପ ଆଣ୍ଟାର୍କଟିକାକୁ ସବୁଜ ରଙ୍ଗରେ ପରିଣତ କରିବ ।
