ଗୌହାଟି: ଲଗାଣ ବର୍ଷାରେ ଆସାମରେ ବନ୍ୟା ପରିସ୍ଥିତ ସୃଷ୍ଟି ହୋଇଛି । ଅନେକ ବେଘର ହୋଇଥିବା ବେଳେ ସମଗ୍ର ରାଜ୍ୟ ଏବେ ବନ୍ୟା ପାଣିରେ ଉବୁଟୁବୁ ହେଉଛି । ଏତିକି ବେଳେ ଅରୁଣାଚଳ ପ୍ରଦେଶରୁ ଏକ ଦୁଃଖଦ ଖବର ସାମ୍ନାକୁ ଆସିଛି । ବନ୍ୟା ଯୋଗୁଁ ଭୂସ୍ଖଳନ ଘଟି 2 ଜଣ ଛାତ୍ର ପ୍ରାଣ ହରାଇଥିବା ବେଳେ 2 ଜଣ ଆହତ ହୋଇଛନ୍ତି ।
ମୃତକ ମାନେ ହେଲେ ରିନସେନ ଲାମା ଓ ଯେନଦେନ ୱାଙ୍ଗମା । ସେଥି ମଧ୍ୟରୁ ଜଣେ ପଞ୍ଚମ ଅନ୍ୟ ଜଣକ ଷଷ୍ଠ ଶ୍ରେଣୀର ଛାତ୍ର ବୋଲି ଜଣାପଡିଛି । ସୂଚନା ଅନୁଯାୟୀ, ମୂଷଳଧାରାରେ ବର୍ଷା ହେବା କାରଣରୁ ଅରୁଣାଚଳ ପ୍ରଦେଶର ପଶ୍ଚିମ କମେଙ୍ଗ ଜିଲ୍ଲାରେ ଏକ ନିର୍ମାଣଧୀନ ରାସ୍ତା ଧସି ଯାଇଥିଲା । ଫଳରେ ଏଭଳି ଅଘଟଣ ଘଟିଥିଲା ।
