ରାୟପୁର: ମରିଗଲା ମାନବିକତା । ଦୁଷ୍କର୍ମକୁ ବିରୋଧ କରିବାରୁ ଜୀଅନ୍ତା ଜାଳିଦେଲେ ନରରାକ୍ଷସ । ଏପରି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ଛତିଶଗଡର ମୁଙ୍ଗେଲି ଜିଲ୍ଲାରେ ।
ତେବେ ଜଣେ ଯୁବକ 14 ବର୍ଷର ନାବାଳିକାକୁ ଦୁଷ୍କର୍ମ କରିବାକୁ ଚେଷ୍ଟା କରିଥିଲା । ଯେତେବେଳେ ନାବାଳିକା ଜଣକ ଏହାକୁ ବିରୋଧ କରିଥିଲେ ଯୁବକଟି ତାଙ୍କୁ ଜୀବନ୍ତ ଜାଳି ହତ୍ୟା କରିଥିବା ଅଭିଯୋଗ ହୋଇଛି । ଏନେଇ ଗାଁ ଲୋକେ ବିକ୍ଷୋଭ ପ୍ରଦର୍ଶନ କରିବା ସହ ଥାନା ଘେରାଉ କରିଥିଲେ ।
ପୋଲିସ ଅଧିକାରୀ କହିଛନ୍ତି ଯେ, ବୁଧବାର ବିଳମ୍ବିତ ରାତିରେ ଉକ୍ତ ଯୁବକ ନାବାଳିକାକୁ ଏକା ପାଇ ଦୁଷ୍କର୍ମ କରିବାକୁ ଚେଷ୍ଟା କରିଥିଲା । ଆଉ ଏହାକୁ ବିରୋଧ କରିବାକୁ ସେ ନାବାଳିକା ଜାଳିବାକୁ ଉଦ୍ୟମ କରିଥିଲା । ପରେ ପଡୋଶୀମାନେ ସେଠାରେ ପହଞ୍ଚି ନିଆଁ ଲିଭାଇ ନାବାଳିକାକୁ ଡାକ୍ତରଖାନାରେ ଭର୍ତ୍ତି କରିଥିଲେ । ମାତ୍ର ଚିକିତ୍ସିତ ଅବସ୍ଥାରେ ନାବାଳିକାର ମୃତ୍ୟୁ ହୋଇଥିଲା ।
ପୋଲିସ ସୂଚନାନୁଯାୟୀ, ନାବାଳିକାଙ୍କ ପରିବାରର ଅଭିଯୋଗ ପରେ ପୋଲିସ ଦୁଷ୍କର୍ମକାରୀ ବିରୋଧରେ ମାମଲା ରୁଜୁ କରି ତାକୁ ଗିରଫ କରିଛି ।
