ଥିରୁଅନନ୍ତପୁରମ: କେରଳ ଥିରୁଅନନ୍ତପୁରମରେ ଜଣେ ଆଇଏଏସ ଅଧିକାରୀଙ୍କ କାର୍ ଧକ୍କାରେ ଜଣେ ସାମ୍ବାଦିକଙ୍କ ମୃତ୍ୟୁ ଘଟିଛି । ଅଧିକାରୀ ଜଣକ ନିଶାସକ୍ତ ଅବସ୍ଥାରେ କାର୍ ଚଳାଉଥିବା ବେଳେ ଏହି ଦୁର୍ଘଟଣା ଘଟିଥିବା ଜଣା ପଡିଛି । ମୃତକ ଜଣଙ୍କ ସିରାଜ କେ ମହମ୍ମଦ ବସୀର୍ ବୋଲି ଜଣାପଡିଛି । ସେ ଏକ ମାଲୟାଲାମ୍ ଦୈନିକ ସମ୍ବାଦପତ୍ରରେ ସାମ୍ବାଦିକ ଭାବେ କାର୍ଯ୍ୟ କରୁଥିଲେ ।
ସୂଚନା ମୁତାବକ, ବସୀର୍ ଶନିବାର ଅହରାହ୍ନ ପ୍ରାୟ 1 ଟା 35 ସମୟରେ ଥିରୁଅନନ୍ତପୁରମର ମ୍ୟୁଜିୟମ୍ ଜଙ୍କସନ୍ ନିକଟରେ ଯାଉଥିବା ବେଳେ ଆଇଏଏସ୍ ଅଧିକାରୀ ଶ୍ରୀରାମ ଭେଙ୍କଟରମଣ ବସୀରଙ୍କ ବାଇକକୁ ଧକ୍କା ଦେଇଥିଲେ । ବସୀର ଘଟଣାସ୍ଥଳରେ ହିଁ ମୃତ୍ୟୁବରଣ କରିଥିବା ବେଳେ ଆହତ ଆଇଏଏସ୍ ଅଧିକାରୀଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଥିଲା।
ତେବେ ଦୁର୍ଘଟଣା ପରେ କେରଳର ମୁଖ୍ୟମନ୍ତ୍ରୀ ପିନାରାୟ ବିଜୟନ ଏବଂ ବିରୋଧୀ ଦଳ ନେତା ରମେଶ ଚେନ୍ନିଥାଲା ବସୀରଙ୍କ ପରିବାରବର୍ଗଙ୍କୁ ସମବେଦନା ଜଣାଇଛନ୍ତି।
