ବେଙ୍ଗାଲୁରୁ: କର୍ଣ୍ଣାଟକର ପୂର୍ବତନ ମନ୍ତ୍ରୀ ତଥା ଜେଡିଏସର ବରିଷ୍ଠ ନେତା ଅମରନାଥ ସେଟ୍ଟୀଙ୍କ ପରଲୋକ । ମେଙ୍ଗାଲୁରୁରେ ସୋମବାର 80 ବର୍ଷ ବୟସରେ ତାଙ୍କର ଦେହାନ୍ତ ହୋଇଥିବା ସୂଚନା ମିଳିଛି ।
ସେ 1977 ମସିହାରେ ଜନତା ଦଳରେ ସାମିଲ ହୋଇଥିଲେ । ମୁଦ୍ବିଦ୍ରି ବିଧାନସଭା ଆସନରୁ 1983, 1987 ଓ 1994 ତିନିଥର ସେ ବିଧାୟକ ଭାବେ ନିର୍ବାଚିତ ହୋଇଥିଲେ । ଏହାସହ ସେ ରାଜ୍ୟର ଶ୍ରମ ମନ୍ତ୍ରୀ ଭାବେ ମଧ୍ୟ ନିଜର ଦାୟିତ୍ବ ସମ୍ପାଦନା କରିଛନ୍ତି ।
ଦେହ ଅସୁସ୍ଥ ଥିବା କାରଣରୁ ସେ କିଛି ଦିନ ପୂର୍ବେ ଡାକ୍ତରଖାନାରେ ଭର୍ତ୍ତି ହୋଇଥିଲେ । ସେ ତାଙ୍କ ସ୍ତ୍ରୀ ଓ ଦୁଇ ଝିଅଙ୍କ ସହିତ ରହୁଥିଲେ । ତେବେ ତାଙ୍କ ଶେଷକୃତ୍ୟରେ ଜେଡିଏସ ନେତା ତଥା ପୂର୍ବତନ ପ୍ରଧାନମନ୍ତ୍ରୀ ଏଚଡି ଦେବଗୌଡା ଓ କର୍ଣ୍ଣାଟକ ପୂର୍ବତନ ମୁଖ୍ୟମନ୍ତ୍ରୀ ଏଚ ଡି କୁମାରସ୍ବାମୀ ସାମିଲ ହେବେ ବୋଲି ଜଣାପଡିଛି ।
