ବେଙ୍ଗାଲୁରୁ: କର୍ଣ୍ଣାଟକର ହାଇଭୋଲଟେଜ ଡ୍ରାମାରେ ଆସିଲା ନୂଆ ଟ୍ବିଷ୍ଟ । ବିଜେପି କହୁଛି ଶୀଘ୍ର କର ଆସ୍ଥା ଭୋଟ । କଂଗ୍ରେସ କହୁଛି ପ୍ରସ୍ତୁତ ହୋଇନାହୁଁ, ଆମକୁ ଆହୁରି ସମୟ ଦରକାର । ଇତି ମଧ୍ୟରେ ଗଡିଗଲାଣି ରାଜ୍ୟପାଳ ଦେଇଥିବା ଧାର୍ଯ୍ୟ ସମୟ । ତେବେ ଏହି ପରିପେକ୍ଷିରେ ବିଜେପି ବିଧାୟକ ପୁଣିଥରେ ରାଜ୍ୟପାଳଙ୍କ ନିକଟକୁ ଫେରାଦ ହୋଇପାରେ । ଏପଟେ ସନ୍ଧ୍ୟା 3ଟା ପର୍ଯ୍ୟନ୍ତ ଗୃହକୁ ମୁଲତବୀ ରଖିଛନ୍ତି ବାଚସ୍ପତି ।
ସୂଚନା ମୁତାବକ, ବିଧାନସଭାରେ ଆସ୍ଥା ଭୋଟ ପୂର୍ବରୁ ମୁଖ୍ୟମନ୍ତ୍ରୀ କୁମାରସ୍ବାମୀ ଅସହାୟତା ପ୍ରକାଶ କରିଛନ୍ତି । ରାଜ୍ୟପାଳଙ୍କ ଧାର୍ଯ୍ୟ ସମୟସୀମା ମଧ୍ୟରେ ଆସ୍ଥା ଭୋଟ କରିବା ସମ୍ଭବପର ନୁହେଁ ବୋଲି ସେ କହିଛନ୍ତି । କଂଗ୍ରେସ ବିଧାୟକ ମଧ୍ୟ ଏଥିରେ ରାଜ୍ୟପାଳଙ୍କ ହସ୍ତକ୍ଷେପକୁ ବିରୋଧ କରିଛନ୍ତି ।
ସେପଟେ ବିଜେପି ଆସ୍ଥା ଭୋଟ ଶୀଘ୍ର କରିବାକୁ ଦାବି କରୁଛି । ତେବେ ଏହି ରାଜନୈତିକ ନାଟକ ଆଗକୁ କେଉଁ ମୋଡ ନେବ ସେଥିରେ ଏବେ ବି ସସ୍ପେନ୍ସ ଜାରି ରହିଛି ।
