ବେଙ୍ଗାଲୁର: ସାରା ବିଶ୍ବରେ ମହାମାରୀ ଆତଙ୍କ ଖେଳାଇଛି । ମହାମାରୀ କୋରୋନା ମୁକାବିଲା ପାଇଁ ସମାଜର ବିଭିନ୍ନ ଲୋକ ଦାନ କରୁଛନ୍ତି । କର୍ଣ୍ଣାଟକ ମୁଖ୍ୟମନ୍ତ୍ରୀ ମହାମାରୀ କୋରୋନା ମୁକାବିଲା ପାଇଁ ଏକ ବର୍ଷର ଦରମା ପ୍ରଦାନ କରିବେ।
କର୍ଣ୍ଣାଟକ ମୁଖ୍ୟମନ୍ତ୍ରୀ ବିଏସ ୟେଦୁରପ୍ପା କୋରୋନା ସହାୟତା ଭାବରେ ନିଜର ଏକ ବର୍ଷର ଦରମା ପ୍ରଦାନ କରିବେ ବୋଲି ଘୋଷଣା କରିଛନ୍ତି । ରାଜ୍ୟକୁ ସାହାଯ୍ୟ କରିବାକୁ ଯଥା ସମ୍ଭବ ସହଯୋଗ କରିବାକୁ ଲୋକଙ୍କୁ ନିବେଦନ କରିଛନ୍ତି। କର୍ଣ୍ଣାଟକ ମୁଖ୍ୟମନ୍ତ୍ରୀଙ୍କ ଅଫିସ ତରଫରୁ ଜଣାଇଦିଆଯାଇଛି ।
କର୍ଣ୍ଣାଟକରେ 101 ଜଣ ମହାମାରୀ କୋରୋନାରେ ଆକ୍ରାନ୍ତ ହୋଇଥିଲା ବେଳେ 3 ଜଣ ମୃତ୍ୟୁବରଣ କରିଛନ୍ତି । 8 ଜଣ ବ୍ୟକ୍ତି ଚିକିତ୍ସା ପରେ ସୁସ୍ଥ ହୋଇ ଫେରିଛନ୍ତି । ବର୍ତ୍ତମାନ ପର୍ଯ୍ୟନ୍ତ ଭାରତରେ କୋରୋନା ଆକ୍ରନ୍ତଙ୍କ ସଂଖ୍ୟା 1400 କୁ ବୃଦ୍ଧି ପାଇଛି ଏବଂ ମହାମାରୀ କୋରୋନା ଯୋଗୁଁ ମୃତ୍ୟୁସଂଖ୍ୟା 36ରେ ପହଞ୍ଚିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
