କାନପୁର: ଆଇଆଇଟି ଛାତ୍ରଙ୍କ କମାଲ୍ । ଗତ ଶୁକ୍ରବାର କାନପୁର ଆଇଆଇଟି ଛାତ୍ର ନିଖିଲ ଉପାଧାୟ ଏକ ଡ୍ରୋନ ତିଆରି କରିଛନ୍ତି ଯାହା 32 କିଲୋମିଟର ଦୂରରେ ପର୍ଯ୍ୟନ୍ତ ଥିବା ନିକଟସ୍ଥ ମେଡାକାଲକୁ ରକ୍ତ ନମୁନା ନେଇ 18 ମିନିଟରେ ପହଁଞ୍ଚାଇବାରେ ସକ୍ଷମ ହେବ ।
ନିଖିଲଙ୍କ କହିବା ଅନୁଯାୟୀ, ସେ ଏହି ଡ୍ରୋନକୁ ପରୀକ୍ଷା କରିବା ପାଇଁ କାନପୁରର ବୁରାଇଦି ଜିଲ୍ଲା ମେଡିକାଲକୁ ଆଣିଥିଲେ । ତେବେ ତାଙ୍କ ଆଶାନୁଯାୟୀ ଡ୍ରୋନଟି 32 କିଲୋମିଟର ଦୂରରେ ଥିବା ନିକଟସ୍ଥ ମେଡାକାଲକୁ ରକ୍ତ ନମୁନା ନେଇ 18 ମିନିଟରେ ପହଁଞ୍ଚାଇବାରେ ସକ୍ଷମ ହୋଇଥିଲା । ତେବେ ଏହି ପରୀକ୍ଷା ସମୟରେ ଡ. ସୁଶୀଲ, ଏସଟ୍ଏସ ସୁରେନ୍ଦ୍ର ଥଲୱାଲ ଆଦି ଉପସ୍ଥିତ ଥିଲେ ।
ଏଥିସହ ସେ କହିଥିଲେ, ଏହି ଡ୍ରୋନର ମୂଲ୍ୟ ପାଖାପାଖି 10 ରୁ 12 ଲକ୍ଷ ଟଙ୍କା ହେବ । ଏହାକୁ କେଁଉଠି ବି ଟେକଅଫ୍ ଏବଂ ଲ୍ୟାଣ୍ଡ କରିପାରିବ । ଏଥିସହ ସେ କହିଥିଲେ ଏହି ଡ୍ରୋନ 50 କିଲୋମିଟର ପର୍ଯ୍ୟନ୍ତ ଉଡିବାର କ୍ଷମତା ରହିଛି।
ଇଲେଟ୍ରିକ ପାୱରରେ ଦ୍ବାରା ସଞ୍ଚାଳିତ ହେଉଥିବା ଏହି ଡ୍ରୋନଟି 400ଗ୍ରାମର ଭାର ଉଠାଇପାରେ । ଏଥିସହ ଏହାକୁ ଚଲାଇବା ପାଇଁ ଦୁଇ ଜଣ ଲୋକଙ୍କ ଆବଶ୍ୟକତା ପଡିଥାଏ । ତେବେ ଏହି ଡ୍ରୋନ ତିଆରି କରିବାରେ ନିଖିଲ ଉପାଧାୟଙ୍କ ସହ କୃଷ୍ଣରାଜ ସିଂହ ଗୌଡ, ପିୟୁସ ନେଗୀ ଏବଂ ସର୍ବେଶ ସୋନକର ମଧ୍ୟ ସାମିଲ ହୋଇଥିଲେ।
