ମୁମ୍ବାଇ: ମହାରାଷ୍ଟ୍ରର 10 ହଜାର ସ୍କୁଲ ଓ କଲେଜ କ୍ୟାଣ୍ଟିନରେ ଜଙ୍କ ଫୁଡର ବିକ୍ରି ଉପରେ ଲାଗିଲା ପ୍ରତିବନ୍ଧକ । ସ୍କୁଲ କଲେଜର କ୍ୟାଣ୍ଟିନରେ ଜଙ୍କ ଫୁଡ ବ୍ୟାନ ନେଇ ମହାରାଷ୍ଟ୍ର ଫୁଡ ଓ ଡ୍ରଗ ଆଡମିନିଷ୍ଟ୍ରେସନ ଗାଇଡ ଲାଇନ ଜାରି କରିଛି । କ୍ୟାଣ୍ଟିନରେ ପୁଷ୍ଟିକର ଖାଦ୍ୟକୁ ଅଧିକ ପ୍ରୋତ୍ସାହନ ଦେବା ଏହି ଅଭିଯାନର ଲକ୍ଷ ରହିଛି ।
ବର୍ଷ ଶେଷ ଯାଏ ରାଜ୍ୟର ସବୁ ସ୍କୁଲ ଓ କଲେଜ କ୍ୟାଣ୍ଟିନରେ ଏହି ଅଭିଯାନ ଚାଲୁ ରହିବ । ସ୍କୁଲ ଓ କଲେଜ କ୍ୟାଣ୍ଟିନର ମେନୁ ବଦଳାଇବା ସହିତ ଜଙ୍କ ଫୁଡକୁ ବାଦ ଦେବା ପାଇଁ ମହାରାଷ୍ଟ୍ର ଏଫଡିଏ ପକ୍ଷରୁ କୁହାଯାଇଛି । ଅନ୍ୟପକ୍ଷରେ କ୍ୟାଣ୍ଟିନରେ ପରିଷ୍କାର ପରିଚ୍ଛନ୍ନତାର ମଧ୍ୟ ଏଫଡିଏ ଯାଞ୍ଚ କରିବ ।
