ଶ୍ରୀନଗର: ଜମ୍ମୁ-କାଶ୍ମୀର ଟ୍ରାଫିକ ପୋଲିସ ଦ୍ବାରା ଜାରି କରାଯାଇଥିବା ସାଇନ ବୋର୍ଡ ଏବେ ସୋସିଆଲ ମିଡିଆରେ ଜୋରଦାର ଭାଇରାଲ ହେବାର ଲାଗିଛି । ବୋର୍ଡଟି କାଶ୍ମୀରର ମୋଗଲ ରୋଡରେ ଲଗାଯାଇଛି । ଗାଡି ଚଲାଇବା ସମୟରେ ମୋବାଇଲ ବ୍ୟବହାର ନ କରିବା ପରିବର୍ତ୍ତେ ଏଥିରେ ଲେଖାଯାଇଛି ପିଇବା ସମୟରେ ମୋବାଇଲ ବ୍ୟବହାର କରନ୍ତୁ ନାହିଁ । ସାଇନ ବୋର୍ଡରେ ଇଂରାଜୀରେ ଡ୍ରାଇଭିଂ (ଗାଡି ଚାଳନା) ବଦଳରେ ଲେଖାଯାଇଛି ଡ୍ରିଙ୍କିଂ (ପିିଇବା) ।
ସାଇନ ବୋର୍ଡଟି ଅନେକ ଦିନ ହେବ କାଶ୍ମୀରର ରାଜପଥ ତଥା ମୋଗଲ ରୋଡରେ ଲଗାଯାଇଥିବାବେଳେ ଏହି ଭୁଲ ସାଇନ ବୋର୍ଡ ଉପରେ ପ୍ରଶାସନର ନଜର କିପରି ପଡିନଥିଲା ଓ ବୋର୍ଡ ଲଗାଯିବା ପୂର୍ବରୁ କାହିଁକି ପଢାଯାଇନାହିଁ ବୋଲି ସୃଷ୍ଟି ହୋଇଛି ପ୍ରଶ୍ନ । ତେବେ ବୋର୍ଡର ଫଟୋ ସୋସିଆଲ ମିଡିଆରେ ଭାଇରାଲ ହେବା ପରେ ରାଜପଥରୁ ଏହି ବୋର୍ଡ ହଟାଇ ଦିଆଯିବା ସହ ଯାଞ୍ଚ ପାଇଁ ମଧ୍ୟ ନିର୍ଦ୍ଦେଶ ଦିଆଯାଇଛି ।