ନୂଆଦିଲ୍ଲୀ: ଭାରତ ଉପରେ ଆକ୍ରମଣ ପାଇଁ ଯୋଜନା କରୁଛି ଆତଙ୍କୀ ସଂଗଠନ ଆଇଏସ । ତେଣୁ ଏହି ସଂଗଠନ ତାଲିବାନ ଆତଙ୍କୀଙ୍କୁ ନେଇ ଏକ ନୂତନ ସଂଗଠନ ଗଠନ କରିଛି । ଯାହାର ନାମ ରଖାଯାଇଛି ଜୈଶ-ଏ-ମୁତକି । ଏନେଇ ଗୁଇନ୍ଦା ସଂସ୍ଥା ପକ୍ଷରୁ ସୂଚନା ଦିଆଯାଇଛି ।
ରିପୋର୍ଟ ମୁତାବକ, ପାକ-ଆଫଗାନିସ୍ଥାନ ସୀମା ନିକଟରେ ଏହି ଆତଙ୍କୀ ସଂଗଠନ ରହିଛି । ଏଥିରେ ତାଲିବାନ ବହୁ ଆତଙ୍କୀଙ୍କୁ ସାମିଲ କରାଯାଇ ଭାରତ ଉପରେ ଆକ୍ରମଣ କରିବା ପାଇଁ ମିରମଶାହା ସହରରେ ଟ୍ରେନିଂ ଦିଆଯାଉଛି । ଏନେଇ କେନ୍ଦ୍ରୀୟ ସୁରକ୍ଷାରେ ନିୟୋଜିତ ଜଣେ ଅଧିକାରୀ କହିଛନ୍ତି, ଏହି ସଂଗଠନରେ ତାମିଲ ଆତଙ୍କବାଦୀଙ୍କୁ ଭର୍ତ୍ତି କରାଯାଉଛି । ଭାରତ ଉପରେ ଆକ୍ରମଣ ଯୋଜନା ମଧ୍ୟ ପ୍ରସ୍ତୁତ କରାଯାଉଛି ।
କୁହାଯାଉଛି, ଜୈଶ-ଏ-ମହମ୍ମଦର ମୁଖ୍ୟ ମସୁଦ ଅଜହରକୁ ବିଶ୍ବ ଆତଙ୍କୀ ଘୋଷଣା କରାଯିବା ପରେ ଚିନ୍ତାରେ ପଡିଯାଇଛି ପାକ୍ । ମସୁଦ ଓ ତାର ଆତଙ୍କୀ ସଂଗଠନ ଉପରେ କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ପାକ୍ ଉପରେ ଚାପ ପଡିବା ପରେ ନୂତନ ଆତଙ୍କୀ ସଂଗଠନ ଗଠନ ପାଇଁ ପାକ୍ ଯୋଜନା କରିଥିବା ଚର୍ଚ୍ଚା ହେଉଛି ।