ପାଟନା: ଭାରତରେ ଦୃତ ଗତିରେ ବ୍ୟାପିବାରେ ମହାମାରୀ କୋରୋନା ଭାଇରସ । ଏହାକୁ ରୋକିବାକୁ ବିଭିନ୍ନ ରାଜ୍ୟର ସରକାରଙ୍କ ଦ୍ବାରା ଭିନ୍ନ ଭିନ୍ନ ପଦକ୍ଷେପ ନିଆଯାଉଛି । ହେଲେ ଦୁଃଖର ବିଷୟ ଯେ, ଏହା କମିବା ପରିବର୍ତ୍ତେ ଦିନକୁ ଦିନ ବୃଦ୍ଧି ପାଇବାରେ ଲାଗିଛି । ତେବେ ଦେଶରେ ଆକ୍ରାନ୍ତଙ୍କ ସଂଖ୍ୟାକୁ ଦୃଷ୍ଟିରେ ରଖି ରେଳ ବିଭାଗ ପକ୍ଷରୁ ଟ୍ରେନ ବଗି ଗୁଡିକୁ ଆଇସୋଲେସନ କୋଚରେ ପରିଣତ କରାଯାଉଛି ।
ସେହିପରି ବିହାରରେ କୋରୋନା ଭାଇରସ୍ ସହିତ ଲଢିବା ପାଇଁ ଭାରତୀୟ ରେଳବାଇ ଦ୍ୱାରା ଆଇସୋଲେସନ କୋଚ୍ ପ୍ରସ୍ତୁତ କରାଯାଇଛି । ପୂର୍ବ କେନ୍ଦ୍ରୀୟ ରେଳ ଜୋନ ପାଟନାର ରାଜେନ୍ଦ୍ର ନାଗର ଟର୍ମିନାଲରେ ଥିବା ଟ୍ରେନରେ ଏହି ଓ୍ବାର୍ଡ ପ୍ରସ୍ତୁତ କରାଯାଇଛି ।
