ହାଇଦ୍ରାବାଦ: ଭାରତର 8 ଟି ବେଳାଭୂମିକୁ ‘ବ୍ଲୁ ଫ୍ଲାଗ ବିଚ’ ମାନ୍ୟତା ମିଳିଥିବା ନେଇ ପରିବେଶ ମନ୍ତ୍ରୀ ପ୍ରକାଶ ଜାଭେଦକର ଶୁଭେଚ୍ଛା ଜଣାଇବା ସହ ଏହି ମୁହୂର୍ତ୍ତକୁ ଗର୍ବିତ ମୁହୂର୍ତ୍ତ ବୋଲି କହିଛନ୍ତି । ଏକ ଅନ୍ତର୍ଜାତୀୟ ସଂସ୍ଥା ଦେଶର 8ଟି ସମୂଦ୍ର ବେଳାଭୁମିକୁ ‘ବ୍ଲୁ ଫ୍ଲାଗ’ ମାନ୍ୟତା ପ୍ରଦାନ କରିଛି । ସମୂଦ୍ରରର ପରିଷ୍କାର, ପରିଚ୍ଛନ୍ନତା, ବନ୍ଧୁତ୍ବପୂର୍ଣ୍ଣ ଭିତ୍ତିଭୂମି, ନିକଟ ସମୂଦ୍ର ତଥା ସମୂଦ୍ର କୂଳରେ ସ୍ଥାୟୀ ବିକାଶ ଅଭ୍ୟାସ ପାଇଁ ଏହି 8 ଟି ବିଚ୍କୁ ସ୍ବୀକୃତି ମିଳିଥିବା କହିଛନ୍ତି ପରିବେଶ ମନ୍ତ୍ରୀ ।
ତେବେ ବ୍ଲୁ ଫ୍ଲାଗ ମାନ୍ୟତା ପାଇଥିବା ସି ବିଚ୍ ଗୁଡିକ ହେଉଛି- ଓଡିଶାର ଗୋଲ୍ଡେନ ବିଚ ପୁରୀ, ଗୁଜରାଟର ଶିବରାଜପୁର, ଡିୟୁର ଘୋଘଲା, କର୍ଣ୍ଣାଟକର କାସାର୍କୋଡ୍ ଏବଂ ପାଦୁବିଡ୍ରି, କେରଳର କପ୍ପଡ, ଆନ୍ଧ୍ରପ୍ରଦେଶର ଋଷିକୋଣ୍ଡା ଏବଂ ଆଣ୍ଡାମାନର ରାଧାନଗର । ଏହି ସମସ୍ତ ବିଚ୍ ବ୍ଲୁ ଫ୍ଲାଗ୍ ଟ୍ୟାଗ ପାଇଛନ୍ତି ।
ସୂଚନା ଥାଉକି, ଡେନମାର୍କର ଫେଡେରସନ ଅଫ୍ ଏନଭରମେଣ୍ଟ ଏଜୁକେସନ ନାମକ ସଂସ୍ଥା ବିଶ୍ବରେ ସର୍ବଶ୍ରେଷ୍ଠ ବେଳାଭୂମିକୁ ବ୍ଲୁ ଫ୍ଲାଗ ବିଚ ମାନ୍ୟତା ଦେଇଥାଏ । କେନ୍ଦ୍ର ଜଙ୍ଗଲ ଓ ପରିବେଶ ମନ୍ତ୍ରଣାଳୟ ଦ୍ବାରା ଭାରତର ବିଭିନ୍ନ ରାଜ୍ୟର ସମୁଦ୍ର ଉପକୂଳରେ 8ଟି ବ୍ଲୁ ଫ୍ଲାଗ ବିଚ ପ୍ରୋଜେକ୍ଟ ଏହି ମାନ୍ୟତା ହାସଲ କରିଛି । ଏହି ମାନ୍ୟତା ଦ୍ବାରା ଉକ୍ତ ବିଚ୍ ମର୍ଯ୍ୟାଦା ସାରା ବିଶ୍ବରେ ସ୍ବତନ୍ତ୍ର ହୋଇଥାଏ ।
@ANI
