ଶ୍ରୀନଗର: ଆତଙ୍କବାଦୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବାପରେ ସେଲିବ୍ରେସନ ମୁଡରେ ଭାରତୀୟ ସେନା । 3 ଆତଙ୍କବାଦୀଙ୍କୁ ନିପାତ କରିବା ପରେ ଖୁସିରେ ନାଚିଲେ ସେନାର ଯବାନମାନେ । ତେବେ ଉତ୍ସବ ସମୟରେ ସେମାନେ ପାକିସ୍ତାନ ମୁର୍ଦାବାଦ ଏବଂ ହିନ୍ଦୁସ୍ତାନ ଜିନ୍ଦାବାଦର ନାରା ଲଗାଇଛନ୍ତି । ଯାହାର ଭିଡିଓ ଏବେ ସାମ୍ନାକୁ ଆସିଛି । ତେବେ ଯବାନଙ୍କ ଉତ୍ସବରେ ଜମ୍ମୁ କାଶ୍ମୀର ସାଧାରଣ ଜନତା ମଧ୍ୟ ସାମିଲ ହୋଇଥିବା ଭିଡିଓରେ ଦେଖିବାକୁ ମିଳିଛି ।
ଭିଡିଓ ସୌଜନ୍ୟ: ଏଏନଆଇ
ସୂଚନାଯୋଗ୍ୟ ଯେ, ଶନିବାର ଜମ୍ମୁ-କାଶ୍ମୀର ରାମବନ ଜିଲ୍ଲାରେ ବଟୋଟେରେ ଏକ ଘର ଭିତରେ ପଶି ଗୋଟିଏ ପରିବାର 6 ଜଣ ସଦସ୍ୟଙ୍କୁ ବନ୍ଧକ ରଖିଥିଲେ ଆତଙ୍କବାଦୀ । ଭାରତୀୟ ସେନା ଏନେଇ ଅବଗତ ହେବାପରେ ସମସ୍ତଙ୍କୁ ଆତଙ୍କବାଦୀଙ୍କ କବଳରୁ ଉଦ୍ଧାର କରିବା ସହ 3 ଜଣ ଆତଙ୍କବାଦୀଙ୍କୁ ନିପାତ କରିଥିଲେ । ଏହାପରେ ସେଠାରେ ଖୁସୀର ଲହର ଦେଖିବାକୁ ମିଳିଛି ।
