ନୂଆଦିଲ୍ଲୀ: ଦେଶରେ କୋରୋନା ଭାଇରସ ଆତଙ୍କକୁ ଦୃଷ୍ଟିରେ ରଖି ଭାରତୀୟ ସେନା ଏହାର ଦ୍ବିବାର୍ଷିକ ଆର୍ମି କମାଣ୍ଡର ସମ୍ମିଳନୀକୁ ସ୍ଥଗିତ ରଖିଛି । ଏହି ସମ୍ମିଳନୀ ଏପ୍ରିଲ 16ରୁ ଆୟୋଜିତ ହୋଇଥାନ୍ତା । ଏନେଇ ଭାରତୀୟ ସେନା ପକ୍ଷରୁ ସୂଚନା ଦିଆଯାଇଛି ।
ଭାରତୀୟ ସେନା ପକ୍ଷରୁ କୁହାଯାଇଛି, ‘COVID-19କୁ ଦୃଷ୍ଟିରେ ରଖି ଭାରତୀୟ ସେନା ଏହାର ଦ୍ବିବାର୍ଷିକ ଆର୍ମି କମାଣ୍ଡର ସମ୍ମିଳନୀକୁ ସ୍ଥଗିତ ରଖିଛି । ଏହା ସହ ଚିଫ ଅଫ ଦି ଆର୍ମି ଷ୍ଟାଫଙ୍କ ଅଧ୍ୟକ୍ଷତାରେ ଏକ ବୈଠକ କରାଯାଇଛି ।’ ଏହି ବୈଠକରେ ବର୍ତ୍ତମାନର ସୁରକ୍ଷା ସହ ଅନ୍ୟାନ୍ୟ ଗୁରୁତ୍ବପୂର୍ଣ୍ଣ ପ୍ରସଙ୍ଗରେ ଆଲୋଚନା କରାଯାଇଥିବା ନେଇ ଭାରତୀୟ ସେନା ପ୍ରକାଶ କରିଛି ।
ଭାରତରେ ରୋରୋନା ପଜିଟିଭ ସଂଖ୍ୟା ଦ୍ରୁତ ବୃଦ୍ଧି ପାଇଛି । ଫଳରେ ମୋଟ କୋରୋନା ପଜିଟିଭ ସଂଖ୍ୟା 5,194ରେ ପହଞ୍ଚିଛି । ଅନ୍ୟପକ୍ଷରେ 4,643 ଜଣ ଚିକିତ୍ସିତ ହେଉଥିବା ବେଳେ 401 ଜଣ ଲୋକ ଡିସଚାର୍ଜ ହୋଇଛନ୍ତି ।
@ANI
