ନୂଆଦିଲ୍ଲୀ: ସାରାବିଶ୍ବକୁ ଏବେ କବଳିତ କରି ରଖିଛି ମହାମାରୀ କୋରୋନା । ଏଭଳି ସ୍ଥିତିରେ ଏବେ ଦେଶରେ ଆକ୍ରାନ୍ତଙ୍କ ସଂଖ୍ୟା ହୁ ହୁ ହୋଇ ବଢିବାରେ ଲାଗିଛି । ଆକ୍ରାନ୍ତଙ୍କ ସଂଖ୍ୟା ବଢିବା ସହ ସେହି ଅନୁପାତରେ ମୃତ୍ୟୁ ସଂଖ୍ୟା ମଧ୍ୟ ବଢିବାରେ ଲାଗିଛି । ଏବେ ଭାରତ ହେଉଛି ବିଶ୍ୱର ପଞ୍ଚମ ଦେଶ ଯେଉଁଠାରେ କରୋନାରେ ମୃତ୍ୟୁ ସଂଖ୍ୟା ସର୍ବାଧିକ । ଅଗଷ୍ଟ 10 ରେ, ଭାରତରେ କୋରୋନା ମୃତ୍ୟୁ ସଂଖ୍ୟା 1000 ଅତିକ୍ରମ କରିଥିଲା । ଫଳରେ ଭାରତ କୋରୋନା ମୃତ୍ୟୁହାର ସହ ସଂଗ୍ରାମ କରୁଥିବା ଦେଶ ତାଲିକାରେ ସ୍ଥାନ ପାଇଲା ।
ଗତ ପୂର୍ଣ୍ଣ ସପ୍ତାହରେ ଦୈନିକ ମୃତ୍ୟୁ ସଂଖ୍ୟା ପ୍ରାୟ 900 ଥିଲା। କିନ୍ତୁ ରବିବାର ଦିନ ଏହି ସଂଖ୍ୟା 1000 ରେକର୍ଡ କରିଥିଲା । ଆମେରିକା ହେଉଛି ଏକମାତ୍ର ଦେଶ ଯେଉଁଠାରେ ଗୋଟିଏ ଦିନରେ 1000 ରୁ ଅଧିକ ମୃତ୍ୟୁ ରେକର୍ଡ କରାଯାଇଛି। 46,000 ମୃତ୍ୟୁ ସହ ଭାରତ ବର୍ତ୍ତମାନ ବିଶ୍ବର ପଞ୍ଚମ ବୃହତ ଦେଶ ଅଟେ ଯେଉଁଥିରେ କୋରୋନା ମୃତ୍ୟୁହାର ସର୍ବାଧିକ। କିନ୍ତୁ ଭାରତରେ ଏବେ ଯେଉଁ ହାରରେ ମୃତ୍ୟୁ ବଢୁଛି, କିଛି ଦିନ ମଧ୍ୟରେ ବ୍ରିଟେନକୁ ପଛରେ ପକାଇବ ବୋଲି ଜଣାପଡ଼ୁଛି । ତେବେ ଆମେରିକା ତୁଳନାରେ ଭାରତରେ ବହୁତ କମ୍ ମୃତ୍ୟୁ ଘଟିଛି। ଆମେରିକାରେ ଏବେ ସୁଦ୍ଧା 1.65 ଲକ୍ଷରୁ ଅଧିକ ମୃତ୍ୟୁ ଘଟିସାରିଛି ।
ବର୍ତ୍ତମାନ, ଭାରତ ତିନୋଟି ଖରାପ ପ୍ରଭାବିତ ଦେଶ ମଧ୍ୟରୁ ଗୋଟିଏ, ଯେଉଁଠାରେ ବର୍ତ୍ତମାନ କୋରୋନା ମାମଲା ଦ୍ରୁତ ଗତିରେ ବୃଦ୍ଧି ପାଉଛି। ଭାରତରେ 22 ଲକ୍ଷରୁ ଅଧିକ ମାମଲା ହୋଇଛି, ଏହା ହେଉଛି ବିଶ୍ୱର ତୃତୀୟ ବୃହତ୍ତମ ସଂଖ୍ୟା । ବ୍ରାଜିଲ 30 ଲକ୍ଷ ମାମଲା ସହିତ ଦ୍ୱିତୀୟ ସ୍ଥାନରେ ଏବଂ 52 ଲକ୍ଷ ମାମଲା ସହିତ ଆମେରିକା ଏକ ନମ୍ବରରେ ରହିଛି।
