ନୂ୍ଆଦିଲ୍ଲୀ: ଛଅ ମାସର ବ୍ୟବଧାନ ପରେ ପୁଣି ଆରମ୍ଭ ହେବ ଇନ୍ଦିରା ଗାନ୍ଧୀ ଅନ୍ତର୍ଜାତୀୟ ବିମାନ ବନ୍ଦର ଟର୍ମିନାଲ-2ର ଉନ୍ନତୀକରଣ କାର୍ଯ୍ଯ । ଗୋ ଏୟାର ଓ ଇଣ୍ଡିଗୋ ବିମାନ ପାଇଁ ଯଥାକ୍ରମେ 11 ଓ 16ଟି କାଉଣ୍ଟର ନିର୍ମାଣ କରାଯିବ ବୋଲି ଡିଆଇଏଏଲ ତଥା ଦିଲ୍ଲୀ ଇଣ୍ଟରନେସନାଲ ଏୟାରପୋର୍ଟ ସୂଚନା ଦେଇଛି ।
ଇନ୍ଦିରା ଗାନ୍ଧୀ ଇଣ୍ଚରନେସନାଲ ଏୟାରପୋର୍ଟରେ ଯାତ୍ରୀମାନଙ୍କ ସୁବିଧା ପାଇଁ ବର୍ତ୍ତମାନ ପର୍ଯ୍ୟନ୍ତ ଟର୍ମିନାଲ-3ଟି କାର୍ଯ୍ୟକ୍ଷମ ଥିଲା । ବିମାନ ବନ୍ଦରରେ ଅଧିକ ବିମାନରର ଆଗମନ ଓ ପ୍ରସ୍ଥାନ ପାଇଁ ଯୋଜନା କରାଯାଉଛି । ଟର୍ମିନାଲ-2ରେ ଗୋଟିଏ ଦିନରେ 48ଥର ଲେଖାଏଁ ବିମାନଗୁଡିକର ଆଗମନ ଓ ପ୍ରସ୍ଥାନ ମିଶାଇ ସମୁଦାୟ 96ଥର ପାଇଁ ବିମାନ ବନ୍ଦରର ଟ୍ରାଫିକ୍ ରହିଥାଏ । ତେବେ ଅକ୍ଟୋବର ଶେଷ ସୁଦ୍ଧା ଏହା 180ରେ ପହଞ୍ଚିବ ବୋଲି ଦିଲ୍ଲୀ ଇଣ୍ଟରନ୍ୟାସନାଲ ଏୟାରପୋର୍ଟ ସୂଚନା ଦେଇଛି ।
ଟର୍ମିନାଲ୍ ଇଣ୍ଡିଗୋର 2000 ସିରିଜ୍ ଫ୍ଲାଇଟ୍ ଏବଂ ପ୍ରାରମ୍ଭିକ ପର୍ଯ୍ୟାୟରେ ଗୋ ଏୟାରର ସମ୍ପୂର୍ଣ୍ଣ ଅପରେସନ୍ ସହିତ କାର୍ଯ୍ୟ ଆରମ୍ଭ ହେବ । ଗୋ ଏୟାର ଓ ଇଣ୍ଡିଗୋ ବିମାନ ପାଇଁ ଯଥାକ୍ରମେ 11 ଓ 16ଟି କାଉଣ୍ଟର ଯାତ୍ରୀଙ୍କୁ ଯୋଗାଇବା ପାଇଁ ନିର୍ମାଣ କରାଯାଇଛି । ଟର୍ମିନାଲ-2 ପୁନଃ ଖୋଲିବା ପରେ ପ୍ରଥମ ବିମାନ ଶ୍ରୀନଗର-ବାଉଣ୍ଡ ଇଣ୍ଡିଗୋ ସକାଳ 6ଟା 25ମିନିଟରେ ଉଡାଣ ଭରିବ ବୋଲି ଡିଆଇଏଏଲ କହିଛି ।
ଟର୍ମିନାଲ-2ରେ ପ୍ରଥମ ପର୍ଯ୍ୟାୟରେ 20ଟି ଲକ୍ଷ୍ୟସ୍ଥଳ ଯଥା ଅହମଦାବାଦ, ଅମୃତସର, ଭୁବନେଶ୍ବର, ଭୋପାଳ, ବେଙ୍ଗାଲୁରୁ, କୋଚିନ, ଗୌହାଟୀ, ଇନ୍ଦୋର, ଜମ୍ମୁ, ଲକ୍ଷ୍ନୌ, ଚେନ୍ନାଇ, ପାଟନା, ଶ୍ରୀନଗର ଆଦି ପାଇଁ ଚେକ୍ ଇନ୍ କାର୍ଯ୍ୟ କରିବ । ସେହିପରି 2ୟ ପ୍ରର୍ଯ୍ୟାୟରେ 12ଟି ଲକ୍ଷ୍ୟସ୍ଥଳ ଯଥା ମୁମ୍ବାଇ, କୋଲକାତା, ଡେରାଡୁନ, ଗୋଆ, ହାଇଦ୍ରାବାଦ, ମଦୁରାଇ, ଜୟପୁର, ନାଗପୁର ଆଦି ପାଇଁ ଚେକ୍ ଇନ୍ କାର୍ଯ୍ୟ ଅକ୍ଟୋବର 8ରୁ ଆରମ୍ଭ କରିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
