କୋଲକାତା: ‘ମମତାଙ୍କୁ ରାଜନୀତିରେ ପରାସ୍ତ ନକରିପାରିଲେ ରାଜନୀତିରୁ ସନ୍ୟାସ ନେବି’ । ଆଜି ଏପରି ଭାବରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ସିଧାସଳଖ ଟାର୍ଗେଟ କରିଛନ୍ତି ବିଜେପି ନେତା ଶୁଭେନ୍ଦୁ ଅଧିକାରୀ । ମମତା ବାନାର୍ଜୀ ଆଜି ନନ୍ଦିଗ୍ରାମ ଯାଇ ସେଠାରୁ ନିର୍ବାଚନରେ ପ୍ରତିଦ୍ବନ୍ଦିତା କରିବା ପାଇଁ ସ୍ପଷ୍ଟ କରିବା ପରେ ତାଙ୍କୁ ଶାଣିତ ଆକ୍ରମଣ କରିଛନ୍ତି, ପୂର୍ବତନ ବରିଷ୍ଠ ଟିଏମସି ନେତା ତଥା ବର୍ତ୍ତମାନର ବିଜେପି ନେତା ଶୁଭେନ୍ଦୁ ଅଧିକାରୀ ।
ଅଧିକାରୀ କହିଛନ୍ତି ଯେ ନନ୍ଦିଗ୍ରାମରେ ମମତାଙ୍କ ବିରୋଧରେ ଯିଏ ପ୍ରତିଦ୍ବନ୍ଦିତା କରନ୍ତୁ ନା କାହିଁକି, ମମତା 50 ହଜାର ଭୋଟରୁ ଊର୍ଦ୍ଧ୍ବ ଭୋଟରେ ପରାସ୍ତ ହେବା ନିଶ୍ଟିତ । ଯଦି ଉକ୍ତ ଆସନରେ ସେ ମମତାଙ୍କୁ ପରାସ୍ତ ନକରିପାରନ୍ତି ତେବେ ରାଜନୀତିରୁ ସନ୍ୟାସ ନେବେ ବୋଲି ମଧ୍ୟ ସିଧାସଳଖ ଘୋଷଣା କରିଛନ୍ତି।
ମମତାଙ୍କ ଆଜିର ନନ୍ଦିଗ୍ରାମ ଗସ୍ତକୁ ସିଧାସଳଖ ଟାର୍ଗେଟ କରି ଶୁଭେନ୍ଦୁ କହିଛନ୍ତି ଯେ ମମତା ନନ୍ଦିଗ୍ରାମବାସୀଙ୍କ ପାଇଁ କଣ କରିଛନ୍ତି ତାହା ସ୍ପଷ୍ଟ କରନ୍ତୁ । କେବଳ ନିର୍ବାଚନ ସମୟ ହେଲେ ମମତାଙ୍କ ନନ୍ଦିଗ୍ରାମ କଥା ମନେ ପଡେ ବୋଲି ମଧ୍ୟ ସେ କଟାକ୍ଷ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
