ହାଇଦ୍ରାବାଦ: ପୋଲିସ ସାଜିବା ପଡିଲା ମହଙ୍ଗା । ସିଧା ବାନ୍ଧିନେଲା ଅସଲି ପୋଲିସ । ଏପରି ଘଟଣା ଦେଖିବାକୁ ମିଳିଛି ହାଇଦ୍ରାବାଦରେ । 2 ଚୋର ପୋଲିସ ବେଶରେ ଦୁଇ ଚକିଆ ଚାଳକଙ୍କ ଠାରୁ ଲୁଟୁଥିଲେ ଟଙ୍କା । ହେଲେ ବେଶୀ ସମୟ ଲୁଚି ରହିଲାନି ଏହି ଲୁଚକାଳି ଖେଳ । ପୋଲିସ ଖବର ପାଇ 2 ନକଲି ପୋଲିସଙ୍କୁ ଗିରଫ କରିଛି ।
ପୋଲିସ ହାତରେ 2 ନକଲି ପୋଲିସ
ସୂଚନା ଅନୁସାରେ,ସୋମବାର ଚୋରି କରିବା ଉଦ୍ଦେଶ୍ୟରେ ଦୁଇ ଜଣ ବ୍ୟକ୍ତି ଧରିଥିଲେ ପୋଲିସ ବେଶ । ନିକଟରେ ହୋଇଥିବା ନୂତନ ଟ୍ରାଫିକ ନିୟମକୁ ନେଇ କରିଥିଲେ ନୂଆ ଷ୍ଟାଇଲରେ ଚୋରି । ସେମାନେ ରାସ୍ତାରେ ଥିବା ବସ ଷ୍ଟପରେ ଜଗି ରହୁଥିଲେ । ଯାତ୍ରୀ ଓହ୍ଲାଇବା ମାତ୍ରେ ଚେକିଂ ବାହାନାରେ କରୁଥିଲେ ଚୋରି।
ଏହି ଯାତ୍ରୀଙ୍କୁ ଖାଲି କିମ୍ବା ଅନ୍ଧାରିଆ ରାସ୍ତାକୁ ନେଇଯାଉଥିଲେ। ଏହାପରେ ସେମାନଙ୍କ ପାଖରେ ଥିବା ଫୋନ ଟଙ୍କା ଓ ଦାମି ଜିନିଷ ଲୁଟି ନେଉଥିଲେ । ହେଲେ ଏନେଇ ଅଭିଯୋଗ ହେବା ପରେ ଅଭିଯୁକ୍ତଙ୍କୁ ଧରିଥିଲା ପୋଲିସ ।
