ହାଇଦ୍ରାବାଦ: ଅନେକ ଲୋକେ ନକରାତ୍ମକ ଭାବନା କାରଣରୁ ଚିନ୍ତାରେ ରହିଥାଆନ୍ତି । ସେ ଯେତେ ଚାହିଁଲେ ମଧ୍ୟ ନିଜର ଚିନ୍ତା ଏବଂ ବିଚାରକୁ ପରିବର୍ତ୍ତନ କରି ପାରନ୍ତି ନାହିଁ । ଏପରି ସ୍ଥିତିରେ ରହିଥିବା ମଣିଷ କିଛି ଏପରି କହିଥାଆନ୍ତି ଯାହା ତାଙ୍କ ଆଖପାଖରେ ଉପସ୍ଥିତ ଲୋକଙ୍କୁ ପସନ୍ଦ ଆସି ନଥାଏ । ଏମାନେ ଅନେକ ସମୟରେ ନିରାଶ ରହିଥାଆନ୍ତି । ଆଜି ଆମେ ଆପଣଙ୍କୁ କହିବୁ ନକରାତ୍ମକ ଭାବନାକୁ ଶେଷ କରିବା ପାଇଁ କିଛି ଉପାୟ...
ଅନେକ ସମୟରେ ଆମେ ପୁରୁଣା ଭୁଲକୁ ମନେ ପକାଇଥାଉ । ଯେବିକି ଆପଣଙ୍କ ବର୍ତ୍ତମାନ ସହିତ ଏହାର କୌଣସି ସମ୍ପର୍କ ନଥାଏ । ତେବେ ଏପରି କାର୍ଯ୍ୟରୁ ନିବୃତ୍ତ ରୁହନ୍ତୁ । ନଚେତ ଏହା ଆପଣଙ୍କ ବର୍ତ୍ତମାନ ସହିତ ଭବିଷ୍ୟତ ଉପରେ ମଧ୍ୟ ପ୍ରଭାବ ପକାଇବ ।
ତେବେ ଭବିଷ୍ୟତକୁ ନେଇ ମଧ୍ୟ ଅନେକ ଲୋକ ଚିନ୍ତା କରିଥାଆନ୍ତି । ମାତ୍ର ନିଜର ଭବିଷ୍ୟତକୁ ନେଇ ଏତେବି ଚିନ୍ତା କରନ୍ତୁ ନାହିଁ । ଯାହାଦ୍ବାରା ଆପଣଙ୍କ ମୁଣ୍ଡବ୍ୟଥା ଆରମ୍ଭ ହୋଇଯିବ । ଅଧିକ ଭାବନାରୁ ସର୍ବଦା ଦୂରରେ ରୁହନ୍ତୁ । ନିଜ ବର୍ତ୍ତମାନର କର୍ମ ଉପରେ ଧ୍ୟାନ ଦିଅନ୍ତୁ ।
ଅନେକ ସମୟରେ ଆମ ଆଖପାଖରେ ଏଭଳି କିଛି ବ୍ୟକ୍ତି ଥାଆନ୍ତି । ଯେଉଁମାନେ ଆପଣଙ୍କ ଭଲ ଗୁଣକୁ ପ୍ରଶଂସା କରିବା ପରିବର୍ତ୍ତେ ଆପଣଙ୍କୁ ନିନ୍ଦା କରିଥାଆନ୍ତି । ତେବେ ଏଭଳି ବ୍ୟକ୍ତିଙ୍କଠାରୁ ଦୂରତ୍ବ ରକ୍ଷା କରନ୍ତୁ ।
ବେଳେବେଳେ ଆମ କିଛି ଭଲ କରିବାକୁ ଚାହିଁଥାଉ । ମାତ୍ର ଏହାର ଫଳ ଓଲଟା ହୋଇଥାଏ । ଏପରି ପରିସ୍ଥିତିରେ ନିଜ କର୍ମ ଉପରେ ଧ୍ୟାନ ଦିଅନ୍ତୁ । ଏବଂ ସାହସର ସହ ଆଗକୁ ବଢନ୍ତୁ । ଦେଖିବି ଆପଣଙ୍କ କର୍ମର ଫଳ ଆପଣଙ୍କୁ ନିଶ୍ଚୟ ମିଳିବ ।
