ନୂଆଦିଲ୍ଲୀ: ହଠାତ୍ ଭୁଶୁଡି ପଡିଲା ଘର। ଅଘଟଣଟି ନୂଆଦିଲ୍ଲୀର ସଦର ବଜାର ଅଞ୍ଚଳର। ଘଟଣାସ୍ଥଳରେ ଫଶିଥିବା 5 ଜଣଙ୍କୁ ଉଦ୍ଧାର କରାଯାଇଛି । ଅନ୍ୟ କେତେଜଣ ଭଙ୍ଗା ଘର ଭିତରେ ଫସି ରହିଥିବା ଅନୁମାନ କରାଯାଉଛି ।
ସୂଚନାଅନୁସାରେ, ସମୟ ପ୍ରାୟ 10ଟା 30ରେ ସଦର ବଜାରରେ ଗୋଟିଏ ଘର ଅଚାନକ ଭୁଶୁଡି ପଡିଥିଲା। ଘର ଭିତରେ ଫଶି ରହିଥିବା ପାଞ୍ଚଜଣଙ୍କୁ ଅଗ୍ନିଶମବାହିନୀ ପହଞ୍ଚି ଉଦ୍ଧାର କରିଛି । ଉଦ୍ଧାର ହୋଇଥିବା ପାଞ୍ଚଜଣ ବ୍ୟକ୍ତିଙ୍କ ଅବସ୍ଥା ଗୁରୁତର ରହିଥିବା ଖବର ମିଳିଛି ।
ବର୍ତ୍ତମାନ ଘଟଣାସ୍ଥଳରେ 6ଟି ଅଗ୍ନିଶମ ବାହିନୀ ଉଦ୍ଧାର କାର୍ଯ୍ୟରେ ନିୟୋଜିତ ଅଛନ୍ତି। ଏବେ ବି ଉଦ୍ଧାର କାର୍ଯ୍ୟ ଜାରି ରହିଛି। କେହି ମୃତାହତ ହୋଇଥିବା ନେଇ କିଛି ସୂଚନା ନାହିଁ।
@ANI
