ସିମଲା: ହିମାଚଳ ପ୍ରଦେଶରେ ବର୍ଷାର ତାଣ୍ଡବ । ଗତ ଦୁଇ ଦିନ ଧରି ରାଜ୍ୟରେ ଜାରି ରହିଥିବା ବର୍ଷା ଯୋଗୁଁ ଭୂସ୍ଖଳନ ହୋଇଛି । ଫଳରେ ମଣ୍ଡି ସହର ଦେଇ ଯାଉଥିବା ଚଣ୍ଡିଗଡ-ମନାଲି ଜାତୀୟ ରାଜପଥ ଅବରୋଧ ହେବା ସହ ଯାନବାହାନ ସବୁ ଅଟକି ରହିଛି ।
ଗତ 2 ଦିନର ବର୍ଷାରେ ପାଖାପାଖି 20 କୋଟିର ସରକାରୀ ଓ ବେସରକାରୀ ସମ୍ପତ୍ତିର କ୍ଷୟକ୍ଷତି ହୋଇଥିବାବେଳେ ଏଯାବତ ସମୁଦାୟ 547କୋଟିର ସମ୍ପତ୍ତି ନଷ୍ଟ ହୋଇଛି । ତେବେ ବର୍ତ୍ତମାନ ସୁଦ୍ଧା 22ଜଣଙ୍କର ମୃତ୍ୟୁ ହୋଇଥିବାବେଳେ ଦୁଇ ଜଣ ନିଖୋଜ ଅଛନ୍ତି ବୋଲି ସୂଚନା ଦେଇଛନ୍ତି ହିମାଚଳ ପ୍ରଦେଶ ମୁଖ୍ୟମନ୍ତ୍ରୀ ଜୟରାମ ଠାକୁର ।
ମିଳିଥିବା ରିପୋର୍ଟ ଅନୁସାରେ ଫସି ରହିଥିବା ପର୍ଯ୍ୟଟକ ଓ ସ୍ଥାନୀୟ ଲୋକଙ୍କୁ ଉଦ୍ଧାର କରିବାକୁ 300 ଗାଡି ନିୟୋଜିତ କରାଯାଇଥିବା ବେଳେ ରାସ୍ତା ସଫେଇ କାର୍ଯ୍ୟ ଜାରି ରହିଛି । ବର୍ଷାର ଏହି ବିତ୍ପାତକୁ ଦେଖି ରବିବାର ପଞ୍ଜାବର ରୋପଡ ସହରରୁ ହିମାଚଳକୁ ଆସୁଥିବା 12ଟି ରେଳକୁ ସ୍ଥଗିତ ରଖିଥିଲା ବିଭାଗ । ଭୂସ୍ଖଳନ ପରେ ସିମଲା-କାଲକା ମଧ୍ୟରେ ରେଳ ଯାତାୟତର ସ୍ଥିତି ସ୍ବଭାବିକ ହୋଇଛି ।
ଗତ 24 ଘଣ୍ଟା ମଧ୍ୟରେ ରାଜ୍ୟରେ ସର୍ବାଧିକ ବର୍ଷା ହୋଇଛି । ଯାହା 70 ବର୍ଷର ରେକର୍ଡକୁ ଭାଙ୍ଗିଛି ବୋଲି ଆଞ୍ଚଳିକ ପାଣିପାଗ ବିଭାଗ ପକ୍ଷରୁ ସୂଚନା ମିଳିଛି । ମଙ୍ଗଳବାର ପର୍ଯ୍ୟନ୍ତ ରାଜ୍ୟର ବିଭିନ୍ନ ସ୍ଥାନରେ ଝିପିଝିପି ବର୍ଷା ଲାଗି ରହିବ ।
ବର୍ଷାକୁ ଦୃଷ୍ଟିରେ ରଖି ସୋମବାର କୁଲ୍ଲୁ, ସିମଲାର ଜିଲ୍ଲାର ସମସ୍ତ ଶିକ୍ଷାନୁଷ୍ଠାନ ଗୁଡିକୁ ବନ୍ଦ ଘୋଷଣା କରାଯିବା ସହ ସମୁଦ୍ର ଓ ନଦୀକୂଳିଆବାସୀଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତରିତ କରାଯାଇଛି ।
